Almatyda kórnekti qazaq aqyny Ilııas Jansúgirovtyń 125 jyldyǵyna arnalǵan saltanatty jıyn ótti. Bul týraly Almaty qalasy ákimdiginiń baspasóz qyzmeti habarlady.
Almaty ákimi B. Saǵyntaevtyń atynan aqynnyń otbasyna jáne týǵandaryna densaýlyq pen baıandy baqyt tilegen quttyqtaý hat tabys etildi.
Hatta I. Jansúgirovtyń qazaq ádebıetiniń ǵana emes, álem ádebıetiniń jaryq juldyzy ekeni atap kórsetilgen.
Saltanatty sharada A. Qosanova, R. Stamǵazıev syndy óner juldyzdary aqynnyń óleńderine jazylǵan ánderdi oryndady. «Sazgen sazy» folklorlyq-etnografııalyq ansambl de óner kórsetti.