19-20 qazan kúnderi Nur-sultan qalasyndaǵy kúzgi aýyl sharýashylyǵy jármeńkeleriniń maýsymy aıaqtalady. Bul týraly Nur-Sultan qalasy ákimdiginiń baspasóz qyzmeti habarlady.
Aýa-raıynyń qolaısyzdyǵyna, sonymen qatar astyq jınaýdyń jalǵasýyna baılanysty Aqmola oblysynyń aýyl sharýashylyǵy ónimderiniń jármeńkesi aǵymdaǵy jyldyń 26-27 qazanynan 19-20 qazanyna aýystyrylady.
Bul kúni eki óńir - Soltústik Qazaqstan oblysy men Aqmola oblysynyń aýylsharýashylyq jármeńkesi birge ótedi.
Uıymdastyrýshylardyń aıtýynsha, bul osy jyldyń sońǵy óńirlik jármeńkesi bolmaq. Esterińizge sala keteıik, kúzgi aýyl sharýashylyǵy jármeńkeleriniń maýsym- tamyz aıynyń sońynda bastaldy. Jármeńkege barlyǵy 12 oblys qatysty.Atalǵan jármeńkege óńirler 3,5 myń tonnadan astam túrli ónimder ákelinip, elorda bazarlaryndaǵy baǵadan 10-15 paıyz tómen baǵamen satyldy.