Indýstrııa jáne ınfraqurylymdyq damý mınıstri B. Atamqulov Qyrǵyz Respýblıkasynyń Syrtqy ister mınıstri Sh. Aıdarbekovpen kezdesti. Bul týraly mınıstrliktiń baspasóz qyzmeti habarlady.
Kezdesý barysynda mınıstrler ekijaqty yntymaqtastyq jáne Qazaqstan Respýblıkasy Prezıdentiniń Qyrǵyz Respýblıkasyna aldaǵy sapary máselelerin talqylady.
Qazaqstan Respýblıkasynyń Indýstrııa jáne ınfraqurylymdyq damý mınıstri Qazaqstan Respýblıkasynyń Úkimeti men Qyrǵyzstan Respýblıkasynyń Úkimeti arasyndaǵy memlekettik shekara arqyly ótkizý pýnktteri týraly kelisimge ózgerister engizý týraly hattamany ratıfıkasııalaý rásiminiń aıaqtalǵany týraly aıtty.
«Bul eki ótkizý pýnkti mártebesin «ekijaqty»-dan «kópjaqty halyqaralyq»-qa aýystyrýǵa múmkindik beredi», dep atap ótti Mınıstr.
Qyrǵyzstannyń syrtqy saıası vedomstvosynyń basshysy eldiń syrtqy saıasaty jumysynyń negizgi baǵyttary týraly habardar etti.
Sonymen qatar Qazaqstan Respýblıkasynyń Indýstrııa jáne ınfraqurylymdyq damý mınıstri ónerkásip, kólik, jer qoınaýyn paıdalaný, qurylys jáne turǵyn úı-kommýnaldyq sharýashylyq salasyndaǵy yntymaqtastyq boıynsha ekijaqty jáne kópjaqty ózara is-qımyldy odan ári nyǵaıtý jáne keńeıtý týraly óz oıymen bólisti.
Kezdesý qorytyndysy boıynsha taraptar elder arasyndaǵy ózara tıimdi yntymaqtastyqty odan ári tereńdetýge yqpal etý nıetin rastady jáne Qyrǵyz Respýblıkasynda kezekti kezdesý ótkizýge kelisti.