Turǵyzylyp jatqan turǵyn úılerdiń ózindik qunyn tek memlekettiń qoldaýymen arzandatýǵa bolady. Qurylysshylar odaǵynynyń ókilderi osylaı dep otyr. Aıtýlarynsha, Úkimet komýnıkasııalar tartýǵa qarjy bólse, túıtkil sheshimin tabady eken. Turǵyn úı naryǵyndaǵy sońǵy jańalyqtar týraly búgin Almaty qalasy ákimdiginiń baspasóz qyzmeti habarlady.
Qazir Almaty men Astanada jańa páterlerdiń baǵasy qymbat. Sarapshy Erlan Qarysbaev olardyń qunyn salýshylar taǵaıyndaıtynyn aıtady. oǵan deldalardyń baǵasyn qosady. Saldarynan qaıtalama turǵyn úılerdegi páterlerdiń quny da jasandy túrde qymbattaıdy.
«Krysha saıtyn alaıyq. Salýshylardyń jarnamasyn qaraıdy. Joǵary baǵasyn kórip, dál sondaı baǵa qoıady. Úıdiń eski ekenine qaramaıdy. Mysaly, salýshyda 12 mıllıon teńge dep tur. О́ziniń 8 mıllıondyq páterin 12 mıllıon qylyp qoıady», – deıdi táýelsiz sarapshy Erlan Qarsybaev
Jaqynda ekonomıkalyq máseleler boıynsha ótken otyrysta Qasym-Jomart Toqaev turǵyn úı qurylysynyń ózindik qunyn birtindep arzandatýdy júktedi.Alaıda, bul turǵyzylyp jatqan turǵyn úılerdiń sapasyna aıtarlyqtaı áser etedi deıdi mamandar. Táýelsiz rıeltor Galına Vorobevanyń paıymynsha, salýshylar baspanalardy arzanqol materıaldarmen kótere bastaıdy.
«Turǵyn úıdiń baǵasy materıaldar arzan bolǵan jaǵdaıda qoljetimdi bola túspek. Úıler nelikten qymbattap ketti? Sebebi materıaldardyń quny tym joǵary. Qurylysshylardyń jalaqysy da az. Eńbekaqylary jaqsy bolsa, materıaldardy urlap-jyrlamaýshy edi», – dedi jyljymaıtyn múlik agenttiginiń mamany Galına Voroveva
Qazaqstan qurylysshylar odaǵynyń» tóraǵasy Talǵat Erǵalıev Qazaqstanda turǵyn úı qurylysyndaǵy shyǵyndy azaıtýǵa bolady degen pikir aıtady. Biraq bul tek memleket ınjenerlik júıeler men kommýnıkasııalar tartý shyǵyndaryn ózine alǵan jaǵdaıda múmkin bolmaq.
Jyljymaıtyn múlik jónindegi áıgili saıtardyń biriniń júrgizgen taldaýyna sáıkes Almaty qalasynda ekonom-klasstaǵy bir bólmeli páter 11 mıllıon teńge turady. Elimizdiń batysynda 9 mıllıonnan bastalsa, soltústikte 9 jarym mıllıon teńge. Eń arzan baǵa Shyǵys Qazaqstan oblysynda tirkelip otyr. 7,5 mıllıon teńge.
Eń qymbat páterler Nur-Sultan qalasynda. Mundaǵy baǵalar 13 mıllıon teńgeden bastalady.