30 qazan kúni saǵat 16.00-de Á. Qasteev atyndaǵy Memlekettik óner mýzeıinde teatr jyly men A.S. Pýshkınniń týǵanyna 220-jyl tolýyna arnalǵan jyl saıynǵy «Árqashan birgemiz» halyqaralyq avtorlyq ıntererlik qýyrshaqtar kórmesiniń saltanatty ashylýy ótedi. Kórmeni uıymdastyrýshylar – Almatydaǵy Reseıdiń Bas Elshiligi, Qazaqstan Respýblıkasyndaǵy Reseı yntymaqtastyǵynyń ókildigi, Á. Qasteev atyndaǵy Memlekettik óner mýzeıi, Qazaqstannyń «Sentr Vselennoı Kýkol» qýyrshaqshylar qoǵamdastyǵy.
«Árqashan birgemiz» atty úshinshi halyqaralyq avtorlyq ıntererlik qýyrshaqtar kórmesi bir ekspozısııalyq keńistikte Reseı, Túrkııa, Fransııa, Belgııa, Qyrǵyzstan jáne Qazaqstannyń eń úzdik qýyrshaqshy sheberleriniń basyn qosady. Bıylǵy jyly kórme aıasynda qýyrshaq sheberleri ózderiniń jumystarymen jáne ádis-tásilderimen bólise otyryp, basqa elderden kelgen sheberlerdiń shyǵarmashylyǵymen tanysady. Shara aıasynda qýyrshaq sheberleriniń Qýyrshaq forýmy ótip, arnaıy sheberlik saǵattary uıymdastyrylady.
Kórmege kelýshilerge úsh ekspozısııa usynylady:
- «Pýshkınıana» – A.S. Pýshkınniń týǵanyna 220 jyl tolýyna arnalǵan
- «Teatr» – teatr jylyna arnalǵan
- «Kýkly mıra» – sýretshi Gúlmıra Sadyqovanyń jeke kolleksııasyndaǵy ár eldiń qýyrshaqtary kórsetiledi.
Qýyrshaq sheberleriniń sheberligi men praktıkalyq ıkemi jyl ótken saıyn jetilýde. Jyl saıynǵy «Árqashan birgemiz» atty úshinshi halyqaralyq avtorlyq ıntererlik qýyrshaqtar kórmesi kórermenderge osy sheberlerdiń jańa jumystaryn usynady. Sheberlerdiń jumystarynyń arasynda tarıhı tulǵalar men ertegi keıipkerleri, belgili adamdardyń portretteri, teatr ómiri men Pýshkınniń shyǵarmashylyǵynan turmystyq kórinister kezdesedi. Kórmege kelýshiler usynylatyn obrazdardyń san alýandyǵyna, joǵary oryndaýshylyq sapasyna jáne konsepsııany júzege asyrýdaǵy olardyń shyǵarmashylyq tásilderine tamsanatyn bolady.
Barlyq jumys túrli tehnıkada oryndalǵan – qyzdyrylǵan plastık, ózi qatatyn plastık, qurǵaqtaı basý tehnıkasy, toqyma tehnıkasy, shulyqtyq músin tehnıkasy, toqylǵan qýyrshaq jáne basqa da aralas tehnıkalar.
Aıtýly kórme qarasha aıynyń ortasyna deıin jalǵasady. Kórmeniń barlyq kúni Almatydaǵy Reseıdiń Bas konsýldyǵy men Qazaqstan Respýblıkasyndaǵy Reseı yntymaqtastyǵynyń ókilettigi uıymdastyrǵan birqatar sharalar ótkizý de josparlanǵan. Olardyń arasynda álem halyqtarynyń tilinde spektaklder, konsertter, jańa kitaptar men elektrondyq basylymdar da bar. Qazaqstan, Reseı, Fransııa, Qyrǵyzstan, Túrkııa qýyrshaqshylarynyń balalar men eresekterge arnalǵan shyǵarmashylyq sheberlik saǵattary men sheberlik shoýlarynyń keńeıtilgen baǵdarlamalary qarastyrylǵan.