Qazaqstandaǵy erekshe akterlerdiń alǵashqy teatry Qazaqstan Respýblıkasy Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KEAQ memlekettik granty sheńberinde júzege asyrylýda. Jobanyń uıymdastyrýshysy – Ulttyq Delfıı Komıteti.
«#Ekeýmizdiń qanymyz bir» áleýmettik dramasynyń premeralyq kórsetiliminiń shymyldyǵy aǵymdaǵy jyly keshe elordadaǵy «Jastar» teatrynda ashyldy. Qoıylymmen jumysty erekshe qajettilikke ıe shyǵarmashylyq jastardan turatyn teatr trýppasy men rejısserlik-qoıylymdyq trýppa úsh aı buryn bastaǵan. Búginde Qazaqstandaǵy erekshe akterlerden turatyn alǵashqy teatrdyń qorjynynda búkil Qazaqstandy aralaıtyn gastroldik týrynda kórsetetin eki spektakl (drama men pantomıma) bar.
«#Ekeýmizdiń qanymyz bir» qoıylymy D.R.Kıplıngtiń ańyzǵa aınalǵan álemdik povesi «Djýnglıler kitabyna» negizdelgen. Qoıylym kórermenderge kereń-mylqaý bala men sosıým arasyndaǵy shıelenisti sýrettep, Qazaqstandaǵy zamanaýı shyndyqty sezinýge múmkindik beredi. Ishki beriktigi men júregindegi batyldyq oǵan qıyndyqtarǵa tótep berip, meıirimdilik pen erkindikti sezinýdiń qundylyǵyn áspetteýge shaqyrady. Balanyń aınalasyndaǵylar onyń kóz aldynda óziniń súıikti kitabyndaǵy keıipker: aılaker qara qabylan Bagıra, danyshpan pıton Kaa, yzaqor jolbarys Sher Hanmen gıperbolalanady. Ol – Maýglı kúshti, zulym kúshterden qoryqpaıtyn erjúrek, biraq meıirimdi de baýyrmal júrekti bolyp ósedi. Osylaısha, qoıylym abyroı, erlik, dástúrge adaldyq pen shynshyldyq syndy ıgi qasıetterdiń qundylyǵy máselesin kóteredi.
Búgingi tańda trýppada múmkindigi shekteýli 14-pen 28 jas aralyǵyndaǵy 50-den astam akter bar. Kún saıyn quram akterlik sheberligin, horeografııa, sahnalyq beıne, ym-ıshara tiliniń sheberligi jáne t.b. qyrynan jetildirildi.
«Men osy ujymǵa kelgen kezimde ym-ıshara tilin, onyń tehnıkasyn bilgen joqpyn. Erekshe akterler teatry – basqa álem bolatyn. Bul álem meni ózine baýrap aldy. Bul jerde olar spektaklde oınamaıdy, olar sol jerde ómir súredi. Barlyǵy teń bolyp tabylatyn shyǵarmashylyq áleminde Qazaqstandaǵy barsha erekshe balalardyń bolǵanyn qalaımyn», dedi qoıýshy horeograf Dáýlet Muratbekov.
«Maǵan erekshe teatrdyń akterlermen jumys isteý óte ońaı boldy. Aldymen ıdeıalaryn tyńdaǵasyn olardyń janaryndaǵy ushqyndy baıqadym. Olardyń bolashaqta áıgili akter bolatynyna senimim mol», dedi sánger, kostıým boıynsha sýretshi Qaırolla Ábishev.
«Teatrymyzdyń ártisteri óte kóp jumys istedi. Akterlik sheberlik, horeografııa jaǵynan da kún saıyn sabaq aldy. Búgin sol úsh aı boıy daıyndalǵan eńbektiń nátıjesin kórip otyrmyz. Árqaısysy óz keıipkeriniń beınesine enip, ony asha bildi», dedi Erekshe teatrdyń kórkemdik jetekshisi Olga Rostovshıkova.
Ulttyq Delfıı Komıtetiniń dırektory, joba avtory Quralaı TÚSPEKOVA «Úsh jyl boıy Ulttyq Delfıı Komıteti búkil trýppa erekshe qajettilikke ıe shyǵarmashyl jastardan turatyn erekshe akterlerdiń biregeı teatryn qurý ıdeıasyn jetildirdi. Búgin mine, ol ıdeıa da kemeline keldi. Aǵymdaǵy jyly granttyń arqasynda ıdeıamyzǵa is júzinde júzege asyrylyp otyr. Úsh aı boıy pedagogterdiń akterlik sheberlik, horeografııa, sahnalyq beıne, ym-ıshara tili boıynsha jumystary, psıhologtardyń, UDO qazylar músheleri, balalar men olardyń ata-analarynyń kúni-túni tókken mańdaı terimen búgin alǵashqy jumysymyzdy nazarlaryńyzǵa usynyp otyrmyz! Jyl sońyna deıin búkil Qazaqstandy aralaýdy josparlap otyrmyz. Ár kórsetilimnen soń kórermenderge «erkin» mıkrofon usynylyp, olar zal bolyp qoıylymnan alǵan áserlerimen bólise alady. Bul praktıka bizge kórermenderden fıdbek alýǵa, naqty ýaqytta kórgeninen ony túsinýine jol ashady jáne keremet emosııalarymyzben bólisetinimizge senimdimin. Erekshe akterlerimizdiń búgin ózderin naǵyz ártis retinde sezinýine múmkindik týǵanyna qýanyshtymyn», dep atap ótti.
40 qoıylymmen elimizdiń 17 aımaǵyn aralaýdy josparlap otyrǵan gastroldik týrda Ulttyq Delfıı qazylar alqasy músheleriniń arasyndaǵy mádenıet qaıratkerleriniń sheberlik saǵattaryn ótkizý de josparlanyp otyr. Odan basqa, uıymdastyrýshylar aımaqtardaǵy múmkindigi shekteýli daryndardyń qoıylymǵa qatysýyn qamtýǵa da nıetti.