Oblystyq aýyl sharýashylyǵy basqarmasy mal sharýashylyǵy bóliminiń málimetinshe, sút fermalarynda 10 myńǵa jýyq iri qara bar. Al ótken jyldyń qorytyndysy boıynsha aýyl sharýashylyǵyna 19 mlrd teńge kóleminde ınvestısııa tartylǵan.
О́ńir sharýashylyqtary et jáne sút baǵyttaǵy iri qaranyń basyn kóbeıtý úshin 2017-2019 jyldar aralyǵynda 5 mlrd teńgege jýyq sýbsıdııaǵa qol jetkizgen.Bıylǵy jyly 1,3 mlrd teńge kóleminde qoldaý qarjysy berilip, asyl tuqymdy mal basy 3,3 paıyzǵa kóbeıgen.
Bóliminiń málimetinshe, ótken jyly 2,2 myń bas iri qaraǵa arnalǵan 4 taýarly-sút fermasy iske qosylǵan bolatyn. Tereńkól aýdanyndaǵy «Astyq PV» JShS Chehııa elinen 691 bas sımmental tuqymdy sıyrlaryn ákelip, taýarly sút fermasy ashyldy.Sút baǵytyndaǵy mal sharýashylyǵyn damytý maqsatynda jyl sońyna deıin jalpy sany 2100 bas iri qaraǵa arnalǵan taǵy 4 taýarly sút fermasyn iske qosý josparlanǵan.Bul rette, «Lýgansk» óndiristik kooperatıvi, «Jańa qala» JShS, «Ertis» sharýa qojalyǵy, «Galıskoe» seriktestigi sút fermanyń qurylysyn aıaqtalýda.«Galıskoe» JShS basshysy Aleksandr Kasısyn kásiporyn aldaǵy jeltoqsan aıynda iske qosylatynyn aıtty.
Sondaı-aq oblysymyzda 99 sút daıyndaý bólimderi jumys isteıdi. Olarda jalpy mólsheri 214 myń tonna sútke shaqtalǵan 126 arnaıy salqyndatqysh jabdyqtar ornatylǵan. Al sút óńdeý baǵytynda 18 kásiporyn jumys isteıdi.
Sút óńdeý kásiporyndary súttiń lıtrin qosymsha qun salyǵynsyz eseptegende 117 teńgeden qabyldaýda. Bıyl sút óndirý baǵytynda Aqsý qalasynda da «KronAgro» sharýashylyǵy 1200 bas iri qaraǵa arnalǵan taýarly sút fermasy boı kóterýde.
Sharýa qojalyǵynyń dırektory Dıdar Beısembaevtyń aıtýynsha, sýarmaly alqaptardy iske qosý, taýarly sút fermasyn jáne kókónis saqtaý qoımasyn salý boıynsha jumys isteýde.
Al, 1200 bas iri qaraǵa arnalǵan taýarly sút fermasynyń qurylysy kelesi jyly iske qosylady.