Kenshiler astanasynda qazan aıynyń ózinde balalardyń 14 oıyn alańy jóndeýden ótkizildi. «Mádenıet jáne demalys saıabaqtary men gúlzarlar basqarmasy» KMK basshylyǵynyń aıtýynsha, bul nysandar keste boıynsha emes, qajettilikterge baılanysty qalpyna keltirilip jatyr eken.
Eger qandaı da bir nysandy jóndeý jumystarynyń qajettiligi týyndasa, ol týraly belgili bir ýchaskeniń sheberi basshylyqqa habarlaıdy. Sodan keıin baryp ol jerge dánekerleýshiler men aǵash ustalardan turatyn brıgada jiberiledi, – deıdi KMK óndiristik-tehnıkalyq bóliminiń bastyǵy Janat Nurjanov.
Kásiporyn qyzmetkerleriniń aıtýynsha, oıyn alańdarynda kóbine shynjyrlar, temir arqandar, qorshaýdyń temir torlary, jasandy jabyndar tez tozyp, jaramsyz bolyp qalady eken.
Bul nysandardan bólek, kásiporyn qyzmetkerleri bul aıda Street workout jattyǵý quraldary ornalasqan tórt alańnyń jabynyn aýystyrdy.
Aıta ketý kerek, Qaraǵandydaǵy «Mádenıet jáne demalys saıabaqtary men gúlzarlar basqarmasy» KMK-niń balansynda barlyǵy 44 balalar jáne sport alańdary bar.