Ýhan qalasynda ótip jatqan VII Búkilálemdik áskerı oıyndarynda Qazaqstan Qarýly Kúshteriniń qorjyny eki qola medalǵa tolyqty. AOSK quramyna júldeni grek-rım kúresinen armııa sportshylary ákeldi. Bul týraly Qorǵanys mınıstrliginiń baspasóz qyzmeti habarlady.
60 kelige deıingi salmaq dárejesindegi jarysta QR Qorǵanys mınıstrligi Armııa ortalyq sport klýbynyń sportshysy Aıdos Sultanǵalı úshinshi orynǵa ıelendi. Ol Úndistan palýany - 2019 jylǵy Azııa Chempıonatynyń qola júldegeri Gıanendera Dahııany 6:3 esebimen jeńdi.
76 kelige deıingi salmaqta armııa sportshysy Gúlmaral Erkebaeva Lıtva chempıony Greta Steponıteni 10:0 esebimen jeńip, el qorjynyna ekinshi «qolany» ákeldi.
Bes kúndik jarys qorytyndysymen medal sany jaǵynan oıyn qojaıyny – Qytaı kósh bastap tur. Qazaqstan quramasynyń qorjynynda – bir altyn, bir kúmis jáne úsh qola bar.