Qazaqstannyń Tuńǵysh Prezıdenti Novak Djokovıch pen Rafael Nadal arasynda ótken qaıyrymdylyq tennıs matchyna bardy. Bul týraly Aqordanyń baspasóz qyzmeti habarlady.
Oıyn aldynda Elbasy álemdik tennıstiń maıtalmandary Novak Djokovıch jáne Rafael Nadalmen kezdesti.
Áńgime barysynda Nursultan Nazarbaev oıynnyń jarqyn jáne tartysty ótýine tilektestik bildirdi.
-Qazaqstandyqtar planetanyń úzdik tennısshilerin kórgenderine óte qýanyshty. Men sizderdiń oıyndaryńyzdy únemi qaraımyn. Sizder sportta úlken jetistikterge jettińizder, - dedi Qazaqstannyń Tuńǵysh Prezıdenti.
Kezdesý barysynda Elbasy tennısshilerge zor densaýlyq tilep, Rafael Nadaldy jaqynda shańyraq kóterýimen quttyqtady.
Qaıyrymdylyq match nátıjesinde jınalǵan qarajat óńirlerde tennıs ınfraqurylymyn damytýǵa baǵyttalady.