Oblys ortalyǵynda ruqsat etilmegen jerlerge qoqys tastaý faktileri kóbeımese, azaıar emes. Ony ekologııa departamentiniń mamandary da rastap otyr.
О́ńir boıynsha kúl-qoqys tógetin 17 polıgon, 252 jer ýchaskesi belgilenmen, adamdar kez kelgen oryndy qoqys alańyna aınaldyryp jibergen sekildi. Jyl basynan beri oblys ortalyǵynan ǵana úsh myń tonnadan astam zańsyz qoqys shyǵarylǵan. Petropavl shaharynda 80 zańsyz orynnyń 6-ýy ǵana tazartylǵan. Ásirese, shetkeri aımaqtarda bul jumys baıaý júrgizilýde.
«Ekologııany jaqsartý maqsatymen mınıstrlik ókilderi «Ǵarysh sapary» AQ-men kelisim-shart jasasty. Budan bylaı ǵarysh arqyly qoqys úıindileri jatqan jerler anyqtalyp, sýretteri men ornalasqan oryndary tıisti organdarǵa jiberilip otyrady. Máselen, bıyl óńirde arnaıy geo-portaldyń kómegimen 884 qoqys orny anyqtalsa, onyń 80-i oblys ortalyǵynda ornalasqan», deıdi oblystyq ekologııa departamenti basshysynyń mindetin atqarýshy Azamat Bektasov. Qoqys qaldyqtarynan tazartý jumystaryn nashar júrgizgeni úshin ınspektorlar men 7 aýyldyq ákimderge aıyppul salynypty.
«Ǵarysh sapary» AQ kómegimen jasalǵan geo-portaldan Petropavldan 50 sharshy shaqyrym radıýs aralyǵynda beı-bereket tógilgen qoqys úıindilerin baıqaý qıyn emes. Onyń mysaldary Qyzyljar, Aqqaıyn, Mamlıýt, M.Jumabaev, Taıynsha, Esil aýdandarynda jıi kezdesedi.
Petropavl qalalyq turǵyn úı kommýnaldyq sharýashylyǵy, jol-kólik, avtlmobıl bóliminiń sektor meńgerýshisi Dýlat Sháripov ta Jumysshy, Zarechnyı kentteri men Benzostroı shaǵynaýdan turǵyndary kommýnaldyq sharýashylyqtarmen kelisimge otyrmaǵandyqtan, arnaıy qoqys konteınerleri ornatylmaǵanyn jasyrmaıdy. Plastık, polıetılen qaldyqtarynyń qorshaǵan ortaǵa, adam densaýlyǵyna zııany orasan ekenin bile tura samaýqaýlyqtan arylar emes.
Soltústik Qazaqstan oblysy