Tálimgerler Qazaqstan Respýblıkasynyń Aqparat jáne qoǵamdyq damý mınstrliginiń granttyq negizdegi qoldaýymen óńirlerdi aralaýda. Osyǵan sáıkes, búgin belsendi óńirlik tálimgerler Shýchınsk qalasynda jastarmen kezdesý ótkizdi.
Elbasymyz 2018 jyldyń 5 qazanyndaǵy Qazaqstan halqyna arnaǵan Joldaýynda osy 2019 jyldy «Jastar jyly» dep jarııalaǵan bolatyn. Atalmysh shara «Jastar jyly» aıasynda Aqparat jáne qoǵamdyq damý mınıstrliginiń granttyq qoldaýy arqyly júzege asyrylyp otyr. Qazirgi kezeńde respýblıkanyń barlyq aımaqtarynda jastarmen kezdesýler, semınar-trenıngter, suqbat alańdary, jastar kempi, kóshpeli sharalar ótkizildi.
Qoǵamdyq qor Aqmola oblysynyń Shýchınsk qalasynda óziniń kezekti jastarmen kezdesýin ótkizdi. Kóshpeli sharanyń taqyryby: «Menterler - jastar tálimgerleri ispetti»
О́ńir jastarymen jumys jasaý úshin arnaıy joba aıasynda daıyndalǵan aımaqtyq jáne elordalyq spıkerler, menterler, trenerler jasaldy. Sharaǵa 100-den astam jastar qatysty.
Sonymen birge sharany qoldaýǵa suqbat alańynyń spıkerleri Parlament Májilisiniń depýtaty Aısına Maıra Arapqyzy, qoǵam qaıratkeri, Parlament Májilisiniń 5-shi shaqyrylym depýtaty Jazylbekov Nurlan Ábdijapparuly, qazaq televızııasynyń daýylpaz dıktory, jýrnalıst – Ábdiráli Bólebaı, tanymal telejúrgizýshi Sandı Sultan, Nur-Sultan qalasynyń tanymal trener júrgizýshileri jáne qazaq estradasynyń jaryq juldyzdary halyqaralyq konkýrstardyń laýreaty Mıras Jýgýnýsov pen estrada ánshisi Dosanáli Daýylbaev ózderiniń jetistikke jetý tarıhy jaıly jastarmen bólisti.
Jobaǵa Aqmola oblysy, Býrabaı aýdany Shýchınsk qalasynyń ákimshiligi men óńirdiń jastar kóshbasshylary qoldaý kórsetti.