«Egemen Qazaqstan» gazetiniń Almaty qalasyndaǵy redaksııasynyń basshysy bolyp Júsipbek Qorǵasbek taǵaıyndaldy. Bul týraly Aqparat jáne qoǵamdyq damý mınıstri Dáýren Abaev Facebook paraqshasynda habarlady.
«Ǵasyrlyq tarıhy bar, qazaq baspasóziniń qara shańyraǵy sanalatyn «Egemen Qazaqstan» gazetiniń Almaty qalasyndaǵy redaksııasynyń basshysy laýazymyna Júsipbek Qorǵasbekti taǵaıyndadym.Júsipbek Nuraqynuly elimizge belgili jýrnalıst, eńbek jolyn «Lenınshil jas» gazetinen bastap, «Qazaq ádebıeti», «Jas alash» basylymdarynda eńbek etken. 2008 jyldan bastap «Jas órken» JShS-niń bas dırektory qyzmetin abyroımen atqaryp keldi. Seriktestiktiń quramyndaǵy «Ulan», «Drýjnye rebıata» gazetteri, «Aq jelken», «Baldyrǵan» jýrnaldary elimizdegi barlyq balalardyń súıikti basylymdaryna aınaldy. Bul ujymnyń tabandy eńbeginiń jemisi dep bilemin», dep jazdy Dáýren Abaev.