Oblystyq Jer qoınaýyn paıdalaný, qorshaǵan orta jáne sý resýrstary basqarmasynyń málimetinshe, ótken jyly óńirde jer qoınaýyn paıdalanýshy kásiporyndar memleketke 52,5 mlrd teńge salyq tólegen.
Salyqtyq túsimderdiń negizgi bóligi Bozshakól ken baıytý kombınatyna tıesili.
Oblys ákimi Bolat Baqaýovtyń tóraǵalyǵymen ótken apparattyq jıynda jer qoınaýyn paıdalaný máseleleri sóz boldy.
Búginde óńirde 69 ken ornyn ıgerý boıynsha 52 kásiporynmen kelisimshart jasalǵan.
Kelisimsharttardyń nátıjesinde qosymsha ınvestısııalar tartylyp, jańa jumys oryndary ashylmaqshy.
Eger bul baǵyttaǵy jumystar jaqsy júrgizilse óńirdiń ınvestısııalyq ahýalyna oń áser eteri sózsiz.
Jer resýrstaryn paıdalanýshylardyń kóbi Ekibastuz qalasynyń aýyldyq aýmaqtarynda,Baıanaýyl, Maı aýdandarynda.
Bıyl elimizdiń Indýstrııa jáne ınfra-qurylymdyq damý mınıstrligi «Birinshi kelgen-birinshi alady» qaǵıdaty boıynsha ońtaılandyrylǵan tártippen oblys aýmaǵynda jer qoınaýyn paıdalanýǵa 16 lısenzııa bergen. Basym bóligi - qymbat metaldar óndiretin oryndar.
Jıyn barysynda oblysta ıgerilmeı jatqan 63 ken orny bar ekeni aıtyldy.
Ekibastuz qalasynyń aýyldyq aýmaǵy,Baıanaýyl aýdanynda túrli ken men kómir qory bar 12 ken orny tirkelgen.
Oblys ákimi Bolat Baqaýov ıgerilmeı jatqan ken oryndaryna qatysty aqparattardy ınvestorlarǵa arnalǵan saıttarǵa ornalastyrýdy tapsyrdy.