«Polılog 2019» baıqaýyn «Jas Star» qoǵamdyq birlestigi oblystyq jastar isi jónindegi basqarma jáne Sybaılas jemqorlyqqa qarsy agenttiktiń Qostanaı oblysy boıynsha departamentimen birlesip óńirde birinshi ret ótkizdi.
A. Baıtursynov atyndaǵy Qostanaı memlekettik ýnıversıtetindegi sıfrlyq habta ótken baıqaýǵa oblys óńirindegi joǵary oqý oryndarynyń stýdentteri qatysty. Baıqaýdyń sharty boıynsha qatysýshylar ózderiniń taqyrybyn tirkelý kezinde jerebe arqyly bir-aq bildi. Sút pisirim ýaqyt daıyndyqtan keıin qatysýshylar qazylar alqasy men jurtshylyq aldynda 5 mınýt ǵana sóılep, óziniń pikirin dáleldeýi, sheshendigin kórsetýi tıis boldy.
«Osyndaı formattaǵy baıqaýlar Amerıkada, Eýropada jaqsy tabyspen ótedi. Qostanaıda KVN, debattar sekildi jastar qozǵalysy damyp keledi, biraq asyl sóz, sheshendik baıqaýy alǵash ret ótkizildi. Baıqaý oıyn túrinde ótkizilse de, jastarǵa ótkir máselelerdi kóterýge, ózin ózi damytýǵa, belsendi azamattyq pozısııada bolýǵa, mádenıetin tárbıeleýge úıretedi» deıdi oblystyq sybaılas jemqorlyqqa qarsy qyzmettiń bas mamany Evgenıı Bedych.
Qatysýshylar úsh saǵatqa sozylǵan jarysta ózderiniń parasat bıigin, qoǵamdaǵy ekonomıkalyq jáne saıası úderister ózektiligin dáleldeýde bilim qarymyn jáne akterlik sheberligin kórsete bildi. Jarystyń jekeleı qorytyndysynda О́.Sultanǵazın atyndaǵy Qostanaı memlekettik pedagogıkalyq ýnıversıtetiniń stýdenti Gúljanar Qýekesova I oryn, Rýdnyı ındýstrıaldyq ınstıtýtynyń stýdenti Vadım Kırsanov P oryn, A.Baıtursynov atyndaǵy Qostanaı memlekettik ýnıversıtetiniń stýdenti Vıktorı Ýsanına Sh oryn aldy. Al komandalyq esepte I oryndy alań ıeleri, P oryndy Rýdnyı ındýstrıaldyq ınstıtýtynyń, Sh oryndy О́.Sultanǵazın atyndaǵy Qostanaı memlekettik pedagogıkalyq ýnıversıtetiniń komandalary jeńip aldy.