1100 páter Nur-Sultan qalasy, ońtústik óńirlerden kóship kelýshilerge beriledi. Oblystyq qurylys basqarmasynyń málimetinshe, 2025 jylǵa deıin oblystaǵy úsh qalada kópqabatty 200 turǵyn úılerdiń qurylysyn bastaý josparlandy.
Osy úılerdegi 1100 páterler Nur-Sultan qalasy men eńbek resýrsy kóp ońtústik óńirlerden qonystanýshylardy turǵyn úımen qamtý úshin oblysymyzǵa basqa óńirlerden kóship kelýshiler úshin salynady.
Iаǵnı oblys ortalyǵynda 100, Ekibastuzda 50, Aqsýda 50 kópqabatty úı turǵyzylady. Osy úılerdegi 1100 páterler Nur-Sultan qalasy men eńbek resýrsy kóp ońtústik óńirlerden qonystanýshylardy turǵyn úımen qamtý úshin oblysymyzǵa basqa óńirlerden kóship kelýshiler úshin salynady.
Sonymen qatar 2 myń jeke turǵyn úıler salynady. Qazirgi kezde Ekibastuz jáne Aqsý qalalarynda qurylys bastalyp ta ketti.
Qurylys jumystaryn Nur-Sultan qalasy men óz óńirimizdiń qurylys kompanııalary qolǵa alǵan. Alǵashqy úıler keler jyldyń naýryz aıynda paıdalanýǵa beriledi. Jospar boıynsha, quny 10,9 mlrd teńge bolatyn 19 joba júzege asyrylmaq. Bul maqsatqa qarjynyń 8,1 mlrd teńge respýblıkalyq, 2,8 mlrd teńge oblystyq bıýdjetten bólinedi. Sóıtip, oblys ortalyǵyndaǵy Dostyq shaǵyn aýdanynda 2, Ekibastuzdaǵy №22 shaǵyn aýdanda 10 jáne Aqsý qalasyndaǵy №4 aýdanda 7 kópqabatty úıler boı kóteredi.
Bıyl joba aıasynda Ekibastuzǵa barlyǵy 2 myńnan astam adam kelse, kelesi jyly oblysqa shamamen 6 myń adam qonys aýdarady dep josparlanýda. Jeke úıler de berilmek. Jalpy, jeke úılerdiń qurylysy «Nurly Ertis», «Nurly jer» memlekettik baǵdarlamasy boıynsha júrgizilýde.