Qazaqstan Prezıdenti janyndaǵy Ortalyq kommýnıkasııalar qyzmetiniń baspasóz konferensııasynda Aqmola oblysynyń ákimi Ermek Marjyqpaev Memleket basshysynyń Qazaqstan halqyna Joldaýyn júzege asyrý aıasyndaǵy oblystyń basty jetistikteri, sondaı-aq 2019 jyldyń 9 aıynyń qorytyndysy boıynsha óńirdiń áleýmettik-ekonomıkalyq damýy týraly málimdedi.
«О́ńirdiń basty kórsetkishi – qysqa merzimdi ekonomıkalyq ındıkator esepti kezeńde 106% qurady (QR-da 4-oryn). О́sim eń aldymen, naqty sektor salalary esebinen qamtamasyz etilgen: ónerkásipte – 102,4%, aýyl sharýashylyǵynda – 106,5%, qurylysta – 118,1%. Aqmola oblysynyń negizgi kapıtalyna túsken ınvestısııa kólemi ótken jylmen salystyrǵanda 9,5%-ǵa ósti. Sonymen qatar jeke ınvestısııalardyń úlesi 82%-ǵa deıin ósti», dep atap ótti Ermek Marjyqpaev.
El Prezıdenti Qasym-Jomart Toqaev sheteldik ınvestısııalardy tartý jóninde naqty mindet qoıǵan bolatyn. Osy oraıda, Aqmola oblysynda jalpy somasy 190 mlrd teńgeni quraıtyn ınvestısııa tartylǵan eken.
Búginde óńirde 60 ındýstrııalyq joba júzege asyrylýda. Bul oblys ekonomıkasyna shamamen 400 mlrd teńge tartýǵa jáne 3,5 myń jańa jumys ornyn ashýǵa múmkindik beredi. Onyń ishinde 19 joba Indýstrııalandyrý kartasyna engizilgen. Iri jobalar qatarynda jylyna 6 tonna altyn óndirýge jetetin qýaty bar taý-ken metallýrgııa kesheniniń qurylysy («RG Processing» JShS) bar. Jobany iske qosý oblysqa tústi metallýrgııada jetekshi pozısııany nyǵaıtýǵa múmkindik beredi. Búginde oblys respýblıkalyq kólemniń úshten bir bóligin óndirýde.
Sonymen qatar ótken jyly ǵana ashylǵan Makınsk qus fabrıkasyna da toqtaldy. Bul aımaq úshin ǵana emes, kúlli respýblıka úshin asa mánge ıe joba. Sebebi, qus sharýashylyǵy ónimderin ımportqa shyǵarý boıynsha áleýeti zor. Ákimniń sózine súıensek, el boıynsha qus eti ımportynyń 30%-ǵa jýyǵyn jabady eken.
Aýa raıynyń qolaısyzdyǵyna qaramastan, Aqmola oblysynda jalpy astyq jınaý 5,0 mln tonnany qurady, ortasha ónimdilik gektarynan 11,5 sentnerden aınaldy. Aýyl sharýashylyǵy sektoryna kelgen ınvestısııalar kólemi ótken jylǵy deńgeıden 1,5 esege artty.
Ermek Marjyqpaev oblys ortalyǵy – Kókshetaý qalasyn damytý máselelerine jeke toqtaldy. О́sip kele jatqan halyqty turǵyn úımen qamtamasyz etý úshin qala shekarasynda jańa aýmaqtardy ıgerý bastaldy.
2020 jyly Kókshetaý qalasynda aımaqaralyq yntymaqtastyqty damytýdyń halyqaralyq forýmy ótpekshi. Oblys ákimi osy baǵytta qarqyndy jumystar atqarylyp jatqanyn jetkizdi.
«2013 jyldan bastap munda 35 kóp qabatty úı (1370 páter) salyndy. Basty josparǵa sáıkes «Saryarqa» aýdanynda keleshekte 200-den astam úı (16380 páter), 2400 oryndyq 3 mektep jáne 440 oryndyq 9 balabaqsha salý kózdelgen. Qazirgi zamanǵy kóp qabatty úıler qalanyń ortalyq bóligin keshendi túrde nyǵaıtý ústinde. Qopa kóliniń jaǵalaýyndaǵy aınalma joldyń qurylysy bastaldy. Qylshyqty ózeni arqyly ótetin avtomobıl kópiri salynýda», dedi oblys ákimi.
Aımaq basshysy týrızm salasyndaǵy basym baǵyttardyń biri týraly da aıtyp berdi.
Qazaqstannyń basymdyq berilgen 10 týrıstik aımaǵy qataryndaǵy Shýche-Býrabaı kýrorttyq óńirine erekshe nazar aýdarylady. Osy kontekste jumys úsh joba boıynsha júrgiziledi – Birikken Arab Ámirlikterinen sheteldik ınvestorlardyń qatysýymen iske asyrylatyn Shýche kólindegi kottedj qalashyǵynyń, «AQBURA Resort» otbasylyq úlgidegi zamanaýı kýrortynyń qurylysy jáne Býrabaı kentinde «Promenade» jobasyn iske asyrý demalys jáne tabıǵı-mádenı mura ortalyǵy retinde salyný josparda bar.
Ákimniń aıtýynsha, Aqmola oblysynda kópshilikti tolǵandyryp júrgen jol azaby máselesi sheshiletin boldy. Elorda mańyndaǵy Talapker, Qosshy aýyldary jáne Aqkól, Amangeldi, Ereımentaý aýdandary men Bestóbeniń jol jáne sý máselesi qolǵa alynyp, qyrýar qarajat bólindi.
«О́ńirde sýmen qamtamasyz etý, jergilikti mańyzy bar joldardy jóndeý jáne qaıta jańartý máselesine kóp kóńil bólinýde. Aǵymdaǵy jyly jergilikti mańyzy bar 400 shaqyrymnan astam joldardy jóndeý boıynsha josparly mindetterdiń 90-95 paıyzy oryndaldy. Elorda mańyndaǵy eldi mekenderdiń jaǵdaıyn jaqsartý maqsatyndaǵy keshendi jumysqa 67 mlrd teńge qarajat bólindi. Bul – 120 jańa joba. Máselen, Ereımentaý, Arshaly aýdandarynyń jolyn jóndeýge árqaısysyna 300 mıllıon teńgeden bólindi. Bestóbe aýylyna keletin bolsaq, bıyl 35 shaqyrym, kelesi jyly 20 shaqyrym jańa jol salamyz», dep jaýap berdi tilshilerdiń saýalyna Ermek Marjyqpaev.
Aqmola oblysynyń ótken 9 aıdaǵy áleýmettik-ekonomıkalyq damýy oń kórsetkishterge ıe. Baspasóz máslıhatynda jetken jetistikter saralanyp, alda atqarylatyn jumystar jarııa etildi.
Jańa turǵyn úı qurylysy, ekologııa máselesi, óndiris pen aýyl sharýashylyǵy, týrızm salasyndaǵy túıtkildi saýaldar talqylandy.
«О́ńirde osy jyldyń 9 aıdyń qorytyndysy boıynsha kóptegen baǵyttar boıynsha oń nátıjelerge qol jetkizildi. Basty kórsetkish – qysqa merzimdi ekonomıkalyq ındıkator esepti kezeńde 106% qurady. Elimiz boıynsha 4 orynda turmyz. О́sim eń aldymen naqty sektor salalary esebinen qamtamasyz etilgen. Atap aıtsaq, ónerkásipte – 102,4%, aýyl sharýashylyǵynda – 106,5%, qurylysta – 118,1%. Aqmola oblysynyń negizgi kapıtalyna túsken ınvestısııa kólemi ótken jylmen salystyrǵanda 9,5%-ǵa ósti. Jeke ınvestısııalardyń úlesi 82%-ǵa deıin artty», dedi óńir basshysy.
«О́ńirde 60 ındýstrııalyq joba júzege asyryldy. Bul óńir ekonomıkasyna shamamen 400 mlrd teńge tartýǵa jáne 3,5 myń jańa jumys ornyn ashýǵa múmkindik berdi. Eń iri jobalar qatarynda jylyna 6 tonna altyn óndirý qýatyna ıe taý-ken metallýrgııa kesheniniń qurylysy júrip jatyr. Bul jobany iske qosý oblysqa tústi metallýrgııada jetekshi pozısııany nyǵaıtýǵa jol ashady», dep atap ótti ákim.