«Almatyda shaǵyn jáne orta bıznesti damytý úshin jeńildetilgen jańa baǵdarlama boıynsha kásibin endi bastaǵan kásipkerlerdiń jylyna 7 paıyzben nesıe rásimdeýine múmkindik bar», dep habarlady Almaty qalasy ákimdiginiń baspasóz qyzmeti.
El ekonomıkasynyń draıveri atanǵan Almatyda jyl basynan beri júzdegen kásipker sýbsıdııa alyp úlgergen.
Halyqqa joldaýynda el prezıdenti Qasym-Jomart Toqaev shaǵyn jáne orta bıznesti memlekettik-qarjylaı qoldaý júıesin qaıta qaraýdy usynyp, kásipkerlikti qoldaýǵa 250 mıllıard teńge bólýdi tapsyrdy. Bul qarajat «Bıznestiń jol kartasy» baǵdarlamasyn damytýǵa jumsalmaq. Bul ekeýara kelisimniń arqasynda júzege asady. Iаǵnı, aldymen memleket kásipkerge aıaqtan turýǵa septesse, keıin bıznes ıesi salyq tólep turady. Máselen, Almatyda 187 myń shaǵyn jáne orta bıznes nysany bar. Jyl saıyn qala qazynasy salyq esebinen 67 paıyzǵa tolyǵyp otyrady.
«Almaty «Bıznestiń jol kartasy» baǵdarlamasy boıynsha aldyńǵy qatarda tur. Ásirese, sýbsıdııalaý, kepildik jasaý. Oǵan qosa, Almatyda kásipkerlikti naqty damytatyn 3-4 aımaqtyq baǵdarlama bar. Jáne de «Almaty Fınans» atty jańa baǵdarlama jasaqtalyp jatyr. Onda jyldyq paıyz Almaty qalasy úshin 7 paıyzdy quraıdy», deıdi «Damý» kásipkerlikti damytý qory AQ basqarýshy dırektory Aıman Sársenǵalıeva.
«Damý» qory – memlekettik baǵdarlamalardy iske asyratyn qozǵaýshy kúsh. Mekeme kásip bastaǵandarǵa da, bıznesti júrgizip júrgenderge jan-jaqty qoldaý kórsetedi. Onda bas aıaǵy 42 baǵdarlama bar. Máselen, bızneske jańa kelgenderge «Bıznestiń jol kartasy» baǵdarlamasy aıasynda 2 jarym mlrd teńgege deıin sýbsıdııa beriledi. Sondaı-aq qyzmet etip júrgen kompanııalarǵa qoldaý 4 baǵdarlama boıynsha kórsetiledi.
«Jańadan iske qosylǵan «Qarapaıym zattar ekonomıkasy» týraly aıtar bolsaq, qazirdiń ózinde maquldanǵan jobalardyń sany artty. Naqtyraq aıtsaq, 14 joba. О́zgerister de engizilip jatyr. Jappaı kásipkerlikti arttyrý boıynsha 150 shaqty jobany qarjylandyrdyq. Bankterde bos resýrstar áli de bar. Sáıkesinshe kólem jyl sońyna deıin ulǵalaıady. «Bıznestiń jol kartasy» baǵdarlamasyn kóp arasynda tanymal. Osy ýaqytqa deıin 100 jobany qarjylandyryp, baǵdarlama aıasynda kepildik berdi», deıdi «Damý» kásipkerlikti damytý qory aımaqtyq fılıal dırektory Svetlana Nazarıýk.
Memlekettik qoldaýǵa ıe bolǵandardyń qatarynda myna damytý ortalyǵy da bar. Mekeme 2-den 17 jasqa deıingi balalarǵa mektepten tys bilim berýge atsalysady. Jeńildetilgen sýbsıdııalaý men nesıe kepildiginiń arqasynda jas kompanııa 15 adamdy jumyspen qamtyp otyr.
Memleket tarapynan «Bıznes jol kartasy» boıynsha «Eńbek» baǵdarlamasymen kómek alǵan bolatynbyz. Eń kómegi tıgeni osy «Damý» qorynan berilgen kómek», - dedi kompanııa dırektory Ásıma SULTANOVA.
Qazaqstanda jańadan kásip ashýǵa qolaıly jaǵdaı jasalǵan. Onyń aıqyn dáleli - elimiz «Doing business» atty álemdik kórsetkishtegi 25-orynǵa jetkeni.
Este bolsa, osyǵan deıin 28-bolǵan edi.