Aqtóbe aımaǵynda turǵyndardyń quqyqtyqsaýattylyq deńgeıin kóterý jáne adaldyq pen parasattylyq qaǵıdalaryn ornyqtyrý jóninde júıeli jumystar júrgizilip keledi.
Munda buǵan deıin «Aqtóbe –adaldyq alańy» jobalyq keńsesi men «Adal urpaq» atty mektep klýbtary qurylyp, sybaılas jemqorlyq kórinisterine qarsy is-qımyl tanyta bastady. Bul baǵytta taıaýda oblysta taǵy bir irgeli qadam jasalyp, óńirdegi kolledjder men joǵary oqý oryndarynyń janynda parasattylyq mektepteri ashyldy.
Osy arqyly jas urpaqtyń boıyna halqymyzdyń ejelgi salt-dástúrlerine saı rýhanı tárbıe negizderin ornyqtyrý kózdelgen. Bir sózben aıtqanda óńirde qurylǵan parasattylyq mektepteri jastar men stýdentterge adaldyq, parasattylyq jáne sybaılas jemqorlyq kórinisterine tózbeýshilik qasıetterin sińirýdi murat tutady.
Sonymen birge olardy týǵan jer men tutastaı memleketke adal qyzmet etýge baýlý isi de qosa qarastyrylǵan. Qalaı degende de munda basty nazar sybaılas jemqorlyq dertiniń aldyn ala bilýge aýdarylǵan.