Búgin Nur-Sultan qalasynda Qazaqstan Respýblıkasynyń Sybaılas jemqorlyqqa qarsy is-qımyl agenttigi KPMG Kazakhstan kompanııasymen birlesip elimizde tuńǵysh ret komplaens-ofıserler forýmyn ótkizdi. Bul týraly Sybaılas jemqorlyqqa qarsy is-qımyl agenttiginiń baspasóz qyzmeti habarlady.
Is-sharaǵa respýblıkanyń barlyq óńirinen komplaens-ofıserler jınaldy. Agenttik Tóraǵasy Alık Shpekbaev, Parlament Májilisiniń depýtaty Gúlnár Bıjanova, halyqaralyq jáne kommersııalyq emes uıymdardyń basshylary sóz sóıledi.
Komplaens baqylaý túsinigi Eýropa elderinde keń damyǵan. Sheteldik kompanııalar úshin komplaens - bul kompanııanyń sybaılas jemqorlyqqa qarsy halyqaralyq talaptarǵa qanshalyqty sáıkes keletinin baǵalaıtyn ólshemder jıyntyǵy. Eldegi osy ınstıtýttyń damýy boıynsha eldik táýekelder baǵalanady. Komplaens qyzmeti korporatıvtik sektor arasynda parasatty ortany qalyptastyrýdaǵy mańyzdy qural bolyp tabylady. Ortaq bıznesti júrgizý úshin seriktestikti tańdaý kezinde halyqaralyq bıznes ortada jalpy qabyldanǵan qundylyqtardy ustanatyndarmen yntymaqtastyqqa basymdyq beriledi.
Otandyq kásiporyndardyń álemdik naryqqa shyǵýy jáne sheteldik kompanııalardyń kelisim-shart jasasýǵa múddeliligi olardyń kompanııaǵa, atap aıtqanda, elge degen senimine tikeleı baılanysty. Iаǵnı, kompanııada durys qurylǵan komplaens baqylaý bıznes qurýdaǵy sanaly sheshimdi kórsetedi. Onyń maqsaty sybaılas jemqorlyqtyń ishki jáne syrtqy táýekelderine qarsy turý.
Komplaenstiń mindetteri - kommersııalyq uıymdardyń sybaılas jemqorlyqtyń aldyn alýǵa baǵyttalǵan qoldanystaǵy zańdardy, erejeler men standarttardy saqtaýy arqyly kompanııalardyń, ınvestorlardyń, klıentterdiń, qyzmetkerlerdiń múddelerin qorǵaý.
Agenttik Tóraǵasy Alık Shpekbaev óz sózinde komplaenstiń eń basty mindeti – óńirlerdegi sybaılas jemqorlyqtyń aldyn alý ekenin atap ótti.
Jumysqa qabyldaý, korporatıvtik sektorda satyp alýdy júrgizý barysynda ádildikti, ashyqtyqty qamtamasyz etýdi baqylaý eldegi turmystyq sybaılas jemqorlyqty joıýdyń ajyramas bóligi.
Memlekettik organdarmen ózara is-qımyl jasaý kezinde olardyń qyzmetkerleriniń sybaılas jemqorlyq quqyq buzýshylyqtaryn jasaý múmkindigimen baılanysty barlyq táýekelderin alyp tastaý – komplaens-ofıserlerdiń jaýapkershilik aımaǵyna mindetti túrde kirýi kerek.
Jyl saıyn kvazımemlekettik kompanııalardyń qyzmetkerlerine qatysty júzdegen sybaılas jemqorlyq qylmystar tirkeledi. Tek sońǵy bes jylda mundaı quqyq buzýshylyqtan kelgen shyǵyn 16 mlrd teńgeni qurady, 660 qylmys tirkeldi, 337 tulǵa qylmystyq iske tartyldy, 175 sottaldy.
Agenttik osyny eskere otyryp, kvazıgossektordaǵy sybaılas jemqorlyqty anyqtaý boıynsha jumysty kúsheıtti.
Qazirgi ýaqytta sybaılas jemqorlyq deńgeıin túbegeıli azaıtýǵa baǵyttalǵan sybaılas jemqorlyqqa qarsy reformalardyń jańa paketin daıyndaý boıynsha júıeli jumys júrgizilýde.
Sybaılas jemqorlyq táýekelderin anyqtaý jáne joıý máselelerin retteıtin kompanııalarda parasattylyqtyń korporatıvtik standarttaryn saqtaýǵa jaýapty komplaens-ofıserler ınstıtýtyn engizý jańashyl bastamanyń biri.
Agenttiktiń bastamasy boıynsha zańnamaǵa Qazaqstanda sybaılas jemqorlyqqa qarsy komplaens júıesiniń tolyqqandy jumys isteýine qajetti túzetýlerdi engizýge Memleket Basshysy men barlyq memlekettik organdar qoldaý kórsetti.
Elimizdiń qazirgi sybaılas jemqorlyqqa qarsy saıasaty aldyn alýǵa basymdyq beredi jáne basty seriktes – azamattyq qoǵam ııstıtýtynyń, sonymen qosa jaýapty bıznestiń aıqyn beınesin qalyptastyrady.
Forýmdy ótkizý parasatty bıznesti qalyptastyrýdaǵy kezekti qadam bolyp tabylady. Forýmda komplaens-ofıserlerdi biriktirý maqsatynda aqparat almasý úshin «whatsapp chat» qurý, Sybaılas jemqorlyqqa qarsy qyzmetke moderator bolý usynyldy. Forým delegattary korporatıvtik sektorda sybaılas jemqorlyqqa qarsy ortany qalyptastyrý boıynsha «Antıkordyń» kúsh-jigerin joǵary baǵalady.
Endi, Qazaqstanda komplaens-ofıserler Sybaılas jemqorlyqqa qarsy qyzmetpen birlesip bıznes júrgizýdiń etıkalyq standarttaryn, áleýmettik jaýapkershilikti arttyrý jáne bıznes ortada sybaılas jemqorlyq táýekelderin tómendetý boıynsha jumys isteıtin bolady.
Bıznestiń sybaılas jemqorlyqqa qarsy is-qımylǵa adal qatysýy qabyldanatyn sharalardyń tabystylyǵyn aıqyndaıdy.
Is-shara sońynda 2015-2025 j. arnalǵan Sybaılas jemqorlyqqa qarsy strategııany júzege asyrý aıasynda sybaılas jemqorlyqtyń aldyn alýda jáne oǵan qarsy is-qımylda komplaens-ofıserdiń rólin kúsheıtý boıynsha usynystar ázirlendi.