Qoǵam úshin talap pen tártip mańyzdy. Jambyl oblysynda «Refleks-2019» jedel aldyn-alý boıynsha oblystyq polısııa departamenti Esirtki qylmysyna qarsy is-qımyl basqarmasy jáne Taraz qalasy polısııa basqarmasynyń jergilikti polısııa qyzmetiniń qyzmetkerleri sıntetıkalyq esirtkini taratatyn tulǵalardy anyqtaý boıynsha jedel-izdestirý is-sharalaryn ótkizdi.
Shara nátıjesinde turǵyn úılerdiń qabyrǵalary men qorshaýlaryna esirtki túrlerin nasıhattaıtyn graffıt jazýlar jazǵan Taraz qalasynyń turǵyny qolǵa túsken. Ustalǵan azamat kinásin moıyndap, jaýapkershilikke tartylǵan.
Jambyl oblystyq polısııa departamenti baspasóz qyzmetiniń málimetinshe, tabylǵan jazýlar alynyp tastalǵan jáne sıntetıkalyq esirtkini nasıhattaıtyn ınternet-saıttar buǵattalǵan. Sonymen qatar atalǵan departamenttiń Esirtki qylmysyna qarsy is-qımyl basqarmasynyń qyzmetkerleri Taraz qalasynyń úıleri men ǵımarattarynyń qabyrǵalarynda graffıt jazýlardy alyp tastaý boıynsha «Jasyl el Taraz» uıymyn tarta otyryp, júıeli túrde is-sharalar ótkizip turatynyn málimdedi. Al, qala boıynsha 600-ge jýyq jazba joıylǵan.