Vashıngtonda (AQSh) Amerıka-Ortalyq Azııa saýda jáne ınvestısııalar keńesiniń kezekti otyrysy ótti. Oǵan Túrikmenstan, Aýǵanstan mınıstrleri (baqylaýshy mártebesi), О́zbekstan, Qyrǵyzstan, Tájikstan jáne Pákistan mınıstrleriniń orynbasarlary (baqylaýshy mártebesi), sondaı-aq AQSh Saýda ókili keńsesiniń basshylyǵy qatysty.
Qazaqstan delegasııasyn Saýda jáne ıntegrasııa vıse-mınıstri Qaırat Tórebaev bastap bardy. Al TIFA is-sharalar baǵdarlamasy sheńberinde TIFA Basqarýshy keńesiniń, AQSh-tyń ekijaqty jumys toptarynyń – TIFA elderiniń keden, sanıtarlyq jáne fıtosanıtarlyq standarttar, zııatkerlik menshik quqyqtary, áıelderdiń ekonomıkalyq quqyqtary men múmkindikterin keńeıtý, sondaı-aq halyqaralyq elektrondy saýdany damytý máseleleri boıynsha jumys toptarynyń otyrystary ótkizildi.
Is-sharaǵa qatysýshylar TIFA otyrystarynyń alańy Ortalyq Azııadaǵy ekonomıkalyq ahýaldy jaqsartýǵa, ekijaqty, óńirlik jáne jahandyq saýdany, sondaı-aq ınvestısııalyq múmkindikterdi keńeıtýge yqpal etetinin atap ótti. Sonymen qatar kún tártibi aıasynda Aýǵan- stanǵa TIFA keńesiniń tolyq quqyly múshesi mártebesin berýge qatysty másele talqylandy. Alaıda bul máseleni talqylaý kelesi otyrysqa aýystyryldy.
TIFA otyrysy aıasynda Q.Tórebaev AQSh Kongresiniń kongressmenderi jáne stafferlerimen ekijaqty kezdesýler ótkizdi. Turaqty qalypty saýda qatynastaryn ornatý, Qazaqstan taýarlaryna qatysty AQSh-tyń preferensııa júıesin qoldanýdy qaıta qaraý, sondaı-aq saýda ekspansııasy týraly AQSh zańynyń 232-bólimi boıynsha sharalar qoldanylýyna baılanysty Qazaqstan Respýblıkasyn alyp tastaý maqsatynda bizdiń elimizge qatysty AQSh-tyń Djekson-Venık túzetýin joıý jónindegi máseleler talqylandy.