Dástúrli qolónerdi dáripteýde

О́kinishtisi, qazir aq, qara tústi óre kıizder men taldyrma basyp, ony oınata oıyp, myń qubylǵan oıýly tekemet basý, daladan bappen shı sýyryp, ony eppen arshyp, myń boıaýly júnge orap oıýly shı toqý, urshyq ıirý, quraq quraý, baý-basqur toqyp, syr­ǵalaq aınaldyrý, shashaq daıyn­daý – ózge de baǵzydan mini qu­rymaı jetken ulttyq qolóner­men aınalysatyndardyń jasy qazir 70-ten asyp barady. Jas­tardyń bul dúnıelerdi jasaýǵa qyzyǵýshylyǵy joq emes, tek jalyqpaı úıretetin jasqa da, ónerge de janashyr jan bolsa...

Mańǵystaýda bul jaýapker­shilikti has sheber Áýes Saǵynaeva bastaǵan analar óz qoldaryna aldy. Qarshadaıynan el ishindegi qoly sheber ana-apalardan is isteýdiń qyr-syryna qanyǵyp, erinbeı úırenýmen ósken ol ómirin osy salaǵa arnady. Tynymsyz uzaq jylǵy eńbektiń jemisi de az bolmady. Mádenıet salasynyń úzdigi, Qazaqstan Qolóner sheber­leri odaǵynyń múshesi, Mańǵys­taý oblysy qolóner sheberleri odaǵy­nyń prezıdenti, «Altyn oımaq» qolónerdi qoldaý qory­nyń jetekshisi Á.Saǵynaeva jaqyn­da Nur-Sultan qalasynda ótken Qolóner sheberleriniń forýmyna baryp, arnaıy sheberlik saǵatyn ótkizdi.

Qazaqstan Respýblıkasy Má­denıet jáne sport mınıstr­ligi­niń jáne Mańǵystaý oblys­tyq mádenıet basqarmasy­nyń qol­­daýymen, Mańǵystaý aýdan­dyq ká­sip­kerler palatasy­nyń uıym­­das­tyrýymen Áýes al­­ǵash bolyp sheberlik saǵa­tyn Shetpe aýylynan bastap, qyzy­ǵ­ý­­shylyq tanytqan jáne óz ká­sibin ashqysy kelgen shetpe­lik 20 qyz-kelinshekke tegin ke­ńes berip, is jasaýdy úıretti. Olar aldymen kerege tańǵysh to­qyp úırendi, kıiz basyp ma­shyq­­tandy. Mańǵystaý oblysyn­da umytylyp bara jatqan qazaq­tyń dástúrli qol ónerin jań­ǵyrtý jáne kásipkerlikke baýlý aıa­synda ótken sharaǵa Áýes Saǵy­naevamen birge Mańǵystaý aýdanynda kıiz úı jabdyqtaryn jasaý, eski qolóner buıymdaryn qaıta jań­ǵyrtýmen aınalysyp júrgen «Asyl qazyna» jeke kásipk­erli­giniń basshysy Kúmis Qos­baı jáne óńirge belgili kıiz úı jab­dyq­taryn, qazaqtyń qolónerin da­mytýǵa zor úles qosyp júrgen sheb­er Sharqat Tólemisova da qa­tys­ty. Úırengenderine dán rıza bol­ǵan qyz-kelinshekter sheber­lerge jáne Mańǵystaý aýda­ndyq «Ata­meken» ulttyq kásipker­ler pa­latasyna sheksiz alǵysyn bildirdi.

Jeke kásipker Janna Aman­qulova­nyń aıtýynsha, Áýes apa­nyń ózinen qolóner buıym­dary­nyń qyr-syryn úırený úlken mártebe. О́ıtkeni Mańǵystaýda odan ótken has sheber joqtyń qasy. Ulttyq ónerimizdi ulyqtap, ony urpaqtan-urpaqqa jetkizý úlken ıgi is.

– Ulttyq qolónerimiz – máde­nıeti­mizdiń, salt-dástúrimiz­diń bir bóligi. Ony keıingi urpaqqa mura etip úıretip ketý paryzymyz dep sanaımyz. О́ıtkeni saf óner­di jiti biletin sheberlerdiń jasy 70-ti alqymdap qaldy. Bilgeni­miz­di, boıymyzdaǵy sheberlikti jastarǵa sińirip jatqan jaıymyz bar. Týrızmdi damytqymyz kelse, mádenıetti de umytpaýymyz kerek. Elge kelgen týrıst tarıh pen mádenıetpen tanysqysy keledi. Byltyr japonııalyq týrıst qolóner sheberlerin aralaǵysy keldi. Endi arnaıy ortalyq qurylsa quba-qup, deıdi jaqsy iske bastamashy bolyp júrgen sheber Áýes Saǵynaeva.

Sheberdiń maqsaty – analary­myzdyń sheber oı-qııalynyń, dúnıe­tanym kókjıeginiń keńdi­giniń dálelindeı bolǵan teńdesi joq ulttyq qolónerdi jastarǵa úıretý bolsa, armany – arnaıy Qolóner sheberleriniń ortalyǵyn qurý. Urpaqtyń, ulttyq muranyń qamyn oılap qarbalasqan sheber­lerdiń bul armany oryndalsa, orta­lyqtyń halqymyzǵa tán ult­tyq ónerdi úıretýshiler men úırený­shilerdiń, ásirese jastar­dyń qyzyǵýshylyqpen bas qosyp, ishinen qazaqylyqtyń ıisi ańqyp, qolóner buıymdarymen jasanǵan naǵyz ulttyq oryn bolatynyna sóz joq.

Shetpedegi sheberlik saǵatynda qaty­sýshylar tekemet, alasha toqý, kıiz basý, baý-basqur, kıiz úı jab­dyqtaryn toqýdyń joldaryn úı­rendi. Shara sońynda olarǵa ar­naıy sertıfıkattar tabystaldy. Endi olar óz kásipterin ashyp, ult­tyq ónerimizdi dáripteýine bolady.

Áýes Saǵynaeva mundaı sheber­lik saǵattaryn Mańǵystaýdyń barlyq aýyldarynda ótkizýdi jos­parlap otyr.

Mańǵystaý oblysy