О́skemendegi «Nur Orda» mektep lıseıiniń 10 oqýshysy matematıka, bıologııa jáne aǵylshyn tili páni boıynsha joba qorǵap, jeńimpaz atandy.
О́skemen qalasynyń 10 oqýshysy Brazılııada ótken bilim saıysynan 10 medal jeńip aldy. Halyqaralyq «Mostratec» bilim kórmesiniń aıasynda uıymdastyrylǵan ǵylymı jumystar olımpıadasynda 40 memleketten barlyǵy 1 myńnan astam oqýshy baq synady.
О́skemendegi «Nur Orda» mektep lıseıiniń 10 oqýshysy matematıka, bıologııa jáne aǵylshyn tili páni boıynsha joba qorǵap, jeńimpaz atandy. Naqty aıtqanda, elge 5 altyn, 2 kúmis jáne 3 qola medalmen oraldy. Altynnan alqa taqqan oqýshylardy О́skemen áýejaıynan mekteptegi ustazdar, ata-analar sán-saltanatpen kútip aldy. Jalpy, Qazaqstannan Brazılııaǵa barlyǵy 31 oqýshy barǵan eken. Eń kóp medaldi О́skemendegi jastar utyp aldy. «Biz altyn medal aldyq. Bizdiń jobamyz matematıka páni boıynsha boldy. Altyn medaldy alǵanda qatty qobaljyp, sahnaǵa shyqqanda óte qýandyq. Qazaqstanmen qatar Brazılııa, Argentına, Túrkııa memleketteri jaqsy nátıje kórsetti» deıdi «Nur Orda» mektep-lıseıiniń 10 synyp oqýshysy Darııa Islambekova. Osy bilim ordasy dırektorynyń orynbasary Bekzat Majıtov oqýshylar ózderine úlken tájirıbe jınaǵandaryn aıtady. «Ol jerde oryn alý bir másele, ózderi sol jerge baryp, basqa adamdarmen tanysyp, ózderiniń pikirlerin aıtyp, jobalaryn qorǵady» deıdi ol.
О́SKEMEN