Osydan týra bir jyl buryn Úkimettiń Qaýlysymen bekitilgen «Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» baǵdarlamasynyń oryndalý barysy keshe Soltústik Qazaqstan oblysy ákimdiginiń otyrysynda talqylandy.
Jobaǵa bir jylda 17,5 myń soltústikqazaqstandyq qatysýshy bolypty. Sonyń ishinde 14 myń adam jumyspen qamtylǵan. Al 9 myńy turaqty jumysqa ornalastyrylǵan. Qazir kásipkerlikke 2 myńnan asa adam oqyp jatyr. Osynyń nátıjesinde óńirde jeke kásipkerlerdiń úlesi artyp, qazir olardyń sany 3200 adamǵa kóbeıipti.
«О́z-ózin qamtamasyz etkenderdi azaıtý, jańa jumys oryndaryn ashý jáne bıznesti damytý – bizdiń basty maqsattarymyzdyń biri. Bıyl jeke kásipkerler kóbeıdi. Olar nesıe alyp, kásipterin ashty. Osy jumysty jalǵastyrý kerek», dedi oblys ákimi Qumar Aqsaqalov óziniń sózinde.