Elordanyń «Astana» basketbol klýby el chempıonatynyń kezekti týr oıynyn «Atyraý Barystaryna» qarsy ótkizip, iri eseppen jeńiske jetti.
Oıynnyń birinshi kezeńinen basymdyqty óz qoldaryna alǵan «Astana» basketbolshylary match sońyna deıin ústemdigin qarsylastaryna bergen joq. Elorda komandasy birinshi kezeńde 15:19 esebimen basym tússe, ekinshi jáne úshinshi kezeńde 23:30, 21:30 nátıjesimen jeńiske jetti. Al sońǵy sheshýshi kezeńde «Atyraý Barystaryna» esh múmkindik qaldyrmady. Esep – 8:23. Al tórt kezeńiniń qorytyndysy boıynsha «Astana» 102:67 upaımen kezekti jeńisine qol jetkizdi.
Alty týrdan keıin týrnır kestesinde 13 upaı jınaǵan «Atyraý Barystary» kósh bastap tur. Biraq Atyraý komandasy qarsylastaryna qaraǵanda eki oıyn kóp ótkizgen. Al alty oıynnan keıin 12 upaıy bar «Astana» ekinshi, Qostanaıdyń «Tobyly» 10 upaımen úshinshi orynda keledi.