Erkin kúres sheberleri Býdapeshte ótip jatqan 23 jastaǵy balýandar arasyndaǵy álem chempıonatyn (U-23) qorytyndylady.
Jalpy komandalyq esepte Reseı quramasy kósh bastady. Olar 145 upaı jıdy. Ekinshi orynda – Iran. Parsy eliniń ókilderi 139 upaıdy qorjynǵa saldy. Úshinshi satyǵa Ázirbaıjannyń balýandary taban tiredi. Qap taýy qyrandary 111 upaıdy enshiledi. Tórtinshi jáne besinshi oryndardy Grýzııa (109 upaı) men Mońǵolııa (70 upaı) ıelense, altynshy satyǵa Japonııa (65 upaı) jaıǵasty. Al Qazaqstan quramasy 65 upaımen jetinshi orynǵa turaqtady. Sondaı-aq «TOP-10» komandanyń qataryna Túrkııa (60 upaı), Ýkraına (58 upaı) jáne AQSh (57 upaı) qosyldy.
Esterińizge sala keteıik, Qazaqstannyń erkin kúres sheberleri álem chempıonatynda qos qola medalǵa qol jetkizdi. 57 kılo salmaq dárejesinde beldesken Adlan Asqarov kúmis medaldi moınyna ilse, 125 kılo salmaqta kúsh synasqan Iýsýp Batyrmurzaev qolaǵa qol sozdy