Qostanaı oblysynda jyl basynan beri polıseıler 20 adamdy ajaldan arashalap qaldy. Bul týraly oblystyq polısııa departamentinde ótken marapattaý sharasynda aıtyldy.
Sharada Sarykól aýdandyq polısııa bóliminiń qyzmetkerleri Ánýar Omarov pen Aleksandr Ilıashov «Qutqarý operasııalaryna belsendi qatysqany úshin» tós belgisimen maparattaldy. Olar bıyl jazda janyp jatqan úıden qart áıel men onyń múgedek balasyn aman alyp shyqqan bolatyn. Galına Zınchenko polıseılerge ylǵı alǵysyn aıtyp otyrady. Al Aleksandr Ilıashovtyń jubaıy Galına Ilıashova marapattaýǵa bir jasar qyzymen kelipti.
«Aleksandr jumysta júrgende ylǵı ýaıymdap otyramyz. Onyń erlik isterine maqtanamyz, árıne. Ol osymen eki ret adamdardy órtten qutqaryp qaldy», deıdi Galına. Anýar Omarovtyń 11 jáne 12 jasta eki uly bar. Anýar: «Uldarym men úshin maqtanatyndaı ómir súrgim keledi» deıdi.
Qostanaı