*Shymshyma shýmaqtar
Úırenshikti jaǵdaı
O-o, bul degeniń...
Álemish ettiń nanyna qaraı
Shyńǵyryp túshkirip jiberdi.
Ol túshkirip jibergende,
Gazet oqyp otyrǵan qojaıyny:
«Ana nandy men eńdi jemeımin», – dep,
Álemishke qaraı ústeldi jiberdi.
Ústelge jaýap retinde qamyr ushty.
Qojaıyn qamyrdy qaǵyp alyp búgildi.
– Ý nas opıat voına! – dep,
Balalar kórshilerge júgirdi.
... Qazir – beıbitshilik ... keı úıde ...
O-o,
Bul degeniń –
Úırenshikti jaǵdaı boldy búginde!
Telefon áńgimesi
... – Iń-ń,
Keshe seni bireýmen
Tóbelesti dedi me?
– Ondaı bolǵan.
– Iń-ń,
Tóbeńdi testi dedi me?
– Ol da bolǵan.
– Iń-ń,
Tóbelesterińe kim-kimder qatysty?
– О́zimiz ...
jáne kıimderimiz qatysty.
– Iń-ń,
Tóbelesteriń qaı jerde bolyp júr?
– Oı, bir jerde ...
atústi ...
– Iń-ń,
Kákeń men Mákeń de tóbelesti dedi me?
– Joq, olar atysty!
– Iń-ń,
– Ne jetpeıdi?
– Sony ıt bilip pe,
Áıteýir aıqaılasyp jatty:
«Shyǵys» dep, «batys» dep.
– Iń-ń-ń-ń...
Urpaq daýsy
... – Ket, ákeńniń aýyzyn! ...
– Seniń ákeńniń aýyzyn!
– Seniń jeti ákeńniń aýyzyn!
– Men seniń segiz ákeńniń aýyzyn!
– Men seniń semiz ákeńniń aýyzyn!
***
Estip jatyrsyńdar ma, babalar
Urpaǵyńnyń daýsyn!?
Úmbetbaı ÝAIDIN