Almatyda elimizdiń 10 oblysynan kelgen 40 oqýshy bı-sheshenderdiń tolǵaýlaryn jatqa aıtyp jarysty. Bıyl ekinshi jyl qatarynan ótip jatqan baıqaýdyń basty maqsaty – oqýshylardy kitap oqýǵa, jan-jaqty izdenýge úıretý. Bul aqparatty Almaty qalasy ákimdigi baspasóz bólimi taratty.
Jarysta sheshendik tolǵaýdy jatqa aıtýdan bólek, kez kelgen jerinen ilip áketý qajet. Uıymdastyrýshylar qatysýshylardyń eshqaısysyn syı-sııapatsyz qaldyrmaımyz dep otyr.
«Ahmet Baıtursynov atamyz «О́ner aldy – sóz óneri» deıdi. Sondyqtan, biz búgin mine urpaqtarymyzdyń tilin, tegin bilmeı jatqan kezde myna bı-sheshenderdiń keremet sheshendik sózderimen osyndaı jarystar ótkizip, bir dúr silkindirip sóz mádenıetin qalyptastyryp, til tazalyǵyn saqtaý maqsatynda osy «Dilmar» sheshendik óner baıqaýyn ótkizip otyrmyz», – dedi Almaty qalasy Abaı atyndaǵy respýblıkalyq mamandandyrylǵan daryndy balalarǵa arnalǵan qazaq tili men ádebıetin tereńdete oqytatyn orta mektep-ınternattyń dırektory Roza Seksenova.
ALMATY