Májilis Spıkeri Nurlan Nyǵmatýlınnniń tóraǵalyǵymen ótken jalpy otyrysta memleketimizdiń ákimshilik-aýmaqtyq qurylysy, memlekettik basqarý júıesin jáne bıýdjetaralyq qatynastardy jetildirý máselelerine qatysty zań jobasy birinshi oqylymda talqylandy. Bul týraly Májilistiń baspasóz qyzmeti habarlady.
Osy zań jobasynyń mańyzdylyǵyna aıryqsha nazar aýdarǵan N. Nyǵmatýlın ásirese, zań jobasynda kórsetilgen shaǵyn jáne orta bıznesten túsetin korportıvtik tabys salyǵy túsimderin jergilikti bıýdjetke berý jaıyna basa kóńil bóldi.
-Shyn máninde, osy korporatıvtik tabys salyǵyn jergilikti bıýdjetke berý týraly sheshim óte oryndy, óte qajetti. Endi jergilikti atqarýshy organdar túsetin barlyq qarjyny halyqtyń eń mańyzdy máselelerin sheshýge jumsaý qajet, - dedi N. Nyǵmatýlın.
Sondaı-aq Májilis tóraǵasy qarajat tústi eken dep ońdy-soldy baǵdarlamalar oılap tappaı, qarajattyń árbir azamattyń ıgiligine tıimdi jumsalýyn qatań baqylaýǵa alý kerektigin atap ótti.
Palata Spıkeri atap ótkendeı, korporatıvtik tabys salyǵynan túsken qarajat aımaq tynysyna serpin berip qana qoımaı, shaǵyn kásipkerliktiń damýyna da jol ashýǵa tıis. Talqylaý sońynda Májilis Tóraǵasy búgingi aıtylǵan barlyq usynys-pikirler ekinshi oqylymǵa deıin jan-jaqty pysyqtalý kerektigin tapsyrdy.