Polshanyń Kotovıse qalasynda Dúnıejúzilik dopıngke qarsy agenttiktiń alqaly jıyny ótip jatyr. Bul týraly Mádenıet jane sport mınıstrliginiń baspasóz qyzmeti habarlady.
Uıymnyń kún tártibinde DDQA prezıdentin, vıse-prezıdentin jańa merzimge saılaý, áleýmettik zertteýler, densaýlyq, medısına, dopıngke qarsy uıymnyń halyqaralyq standarttaryna sholý jáne ózge de ózekti máseleler kóteriledi.
Konferensııaǵa sporttyń barlyq túrinen 2 myńǵa jýyq delegat shaqyrylǵan. Bul basqosýǵa Qazaqstan Respýblıkasynyń Mádenıet jáne sport vıse-mınıstri Eldos Ramazanov, Sport jáne dene shynyqtyrý isteri komıteti tóraǵasynyń orynbasary Asqar Esimov, Qazaqstannyń Dopıngke qarsy ulttyq ortalyǵynyń dırektory Maıra Baqasheva qatysýda.
Konferensııa aıasynda qazaqstandyq delegasııa DDQA bas dırektory Olıve Nıgglemen, Azııa keńsesiniń dırektory Kazýhıro Haıashımen (Kazuhiro Hayashi) ekijaqty kezdesýler ótkizedi.
Is-shara 7 qarashaǵa deıin jalǵasady.
Aıta keteıik, DDQA bıyl óziniń 20 jyldyǵyn atap ótedi. Al Qazaqstan Respýblıkasy Dopıngke qarsy ulttyq ortalyǵy Qazaqstan Respýblıkasy Úkimetiniń 2012 jylǵy 29 jeltoqsandaǵy № 1718 qaýlysyna sáıkes qurylǵan memlekettik uıym.
QazDQUO qyzmeti halyqaralyq dopıngke qarsy zańnamalyq aktilerge sáıkes. Ortalyqtyń negizinde Orta Azııa О́ńirlik dopıngke qarsy úıymy (RADOCA) jumys isteıdi, ol Ortalyq Azııa boıynsha Qazaqstan Respýblıkasy, О́zbekstan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan, Aýǵanstan Islam Respýblıkasy, Pákistan Islam Respýblıkasy jáne Mońǵolııada is-sharalarǵa baǵyt-baǵdar berý jolynda qyzmet atqarady.
QazDQUO negizgi mıssııasy sportshylarǵa aqparat berý jáne olardy ádil jáne adal oıyn qaǵıdattaryn jáne sportty dopıngten saqtaý úshin qajetti bilim men daǵdylarmen qamtamasyz etý.