Ishki ister mınıstri Erlan Turǵymbaev IIM basshylyq quramyna Qylmystyq-atqarý júıesi komıteti tóraǵasynyń orynbasaryn tanystyrdy. Bul týraly mınıstrliktiń baspasóz qyzmeti habarlady.
Prezıdent Ákimshiliginiń kelisimi boıynsha Ishki ister mınıstrligi Qylmystyq-atqarý júıesi komıteti tóraǵasynyń orynbasary laýazymyna ádilet polkovnıgi Esqalı Salamatov taǵaıyndaldy.
E. Salamatov 1971 jyly dúnıege kelgen, quqyq qorǵaý organdarynda 1994 jyldan bastap qyzmet etedi. Basshylyq laýazymdarda jumys tájirıbesi mol.
Ár jyldary ishki ister organdary, qylmystyq-atqarý júıesi bólimshelerinde, Qazaqstan Respýblıkasy Prezıdenti Ákimshiliginiń Quqyq qorǵaý júıesi bóliminde jumys istegen.
IIM Qylmystyq-atqarý júıesi komıtetiniń orynbasary, MQISQA jáne sybaılas jemqorlyqqa qarsy qyzmet departamentteriniń basshysy laýazymdaryn atqardy.
IIM basshysy atap ótkendeı, penıtensıarlyq júıeni jetildirý – Ishki ister organdaryn jańǵyrtý boıynsha jol kartasy baǵyttarynyń biri.
«Barlyq problemalar bizge belgili – bul eski kolonııalardyń jaǵdaıy, sottalǵandardy ustaý jaǵdaılary, bosatylǵannan keıin qaıta áleýmettendirý, olardyń quqyqtaryn qamtamasyz etý, azaptaý faktileri, sybaılas jemqorlyq jáne t.b. Komıtet basshylyǵynyń aldynda mańyzdy mindetter tur, olardy sheshý qylmystyq-atqarý júıesin halyqaralyq standarttarǵa jaqyndatady jáne azamattardyń senim deńgeıin arttyrady», - dep atap ótti Ishki ister mınıstri Erlan Turǵymbaev.