Qazaqstan Respýblıkasy Prezıdentiniń 2018 jylǵy 5 qazandaǵy Joldaýynda aıtylǵan elimizdiń ónip-órkendeýinde jastardyń alatyn ornyn erekshe ekenin eskere kele, aǵymdaǵy jyldy «Jastar jyly» dep jarııalaǵan bolatyn. Osyǵan oraı, óskeleń urpaqtyń boıynda sybaılas jemqorlyqqa nóldik tózbeýshilik, adaldyq, ádildik, parasattylyq jáne otansúıgishtik sııaqty qundylyqtardy qalyptastyrý maqsatynda Mańǵystaý oblysynyń bilim berý mekemelerinde «Adaldyq saǵaty» sharasy ótkizildi. Bul týraly QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti baspasóz qyzmeti habarlady.
Sharany ótkizýge QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń qyzmetkerleri, oblystyq bilim berý basqarmasy, «Mańǵystaý – adaldyq alańy» jobalyq keńsesiniń músheleri, «Nur Otan» HDP Mańǵystaý oblystyq fılıalynyń ókilderi lektorlar retinde qatysty.
Árbir lektor óz sózinde Agenttik pen Departament tarapynan atqarylyp jatqan jumys jaıynda, osy sharaǵa arnaıy daıyndalǵan beınerolıkterdi kórsete otyra tyńdaýshylarǵa sybaılas jemqorlyqtyń teris saldary jaıynda jetkizdi.
Jalpy, sharamen oblystyń 139 orta bilim berý mektepteri, 14 kolledji jáne 2 joǵary oqý orny qamtyldy.
Osy sharalardy júrgizý barysynda tyńdaýshylardyń taqyryp boıynsha kókeıdegi suraqtaryna naqty jaýap berildi jáne olar sybaılas jemqorlyqqa qarsy mádenıetti qalyptastyrý baǵytyndaǵy alda ótkiziletin is-sharalarǵa belsendi qatysýǵa shaqyryldy.
Mańǵystaý oblysy