Qazaqstan Respýblıkasy Úkimetiniń qaýlysymen Nurbek Slıamhanuly Daıyrbekov Qazaqstan Respýblıkasynyń Aýyl sharýashylyǵy vıse-mınıstri laýazymyna taǵaıyndaldy. Bul týraly Premer-Mınıstrdiń Baspasóz qyzmeti habarlady.
Nurbek Daıyrbekov 1973 jyly 11 mamyrda Almaty qalasynda dúnıege keldi. Lenın komsomoly atyndaǵy Novosibir memlekettik ýnıversıtetin, QR Prezıdenti janyndaǵy Qazaqstan menedjment, ekonomıka jáne boljaý ınstıtýtyn támamdaǵan.
Eńbek jolyn 1994 jyly bastaǵan. Ár jyldary kommersııalyq sektorda, sonyń ishinde «Aq-Bıdaı» JShS-de jumys istegen.
1997-2002 jyldary Almaty qalasyndaǵy Memlekettik azyq-túlik kelisim shart korporasııasynda jumys istegen. Satyp alý jáne ótkizý basqarmasynyń basshysy, basqarma basshysynyń orynbasary, bas mamany, Syrtqy ekonomıkalyq qyzmet departamentiniń dırektory qyzmetterin atqardy.
2002-2006 jyldary — «Agroneftesnab» JShS dırektory.
2006-2009 jyldary «Qazaqstan astyq kompanııasy» JShS bas dırektory qyzmetin atqarǵan.
2010-2012 jyldary — «Green Energy Almaty» JShS dırektory.
2012-2016 jyldary — «Azyq-túlik kelisim shart korporasııasy» UK» AQ basqarýshy dırektory – kommersııalyq dırektory.
2016-2019 jyldary — «Samal Trans» JShS dırektorynyń keńesshisi.
2019 jylǵy sáýirden bastap «Azyq-túlik kelisim shart korporasııasy» UK» AQ basqarýshy dırektory laýazymyn atqardy.