Dástúrli baıqaý jalǵasyn tapty

Baıqaýdyń basty maqsaty memlekettik tildi úırený, son­daı-aq etnomádenı birles­tikterdiń ókilderi men jas­tar­dy qazaq mádenıeti men shy­ǵarmashylyǵyna ynta­landyrý, qazaqstandyq patrıotızmdi tárbıeleý jáne memlekettik tildiń mártebesi men mańyzyn nasıhattaý bolyp tabylady. Al keshke qoǵam qaıratkerleri, elordalyq etnomádenı birles­tikterdiń jáne QHA jas­ta­rynyń ókilderi qatysty.

«Jańa bir tildi meńgerý – bólmeńizge jańa tereze ornat­qanmen teń. Memlekettik tildi meńgerý barshamyzdyń min­detimiz. Bul baıqaý elordalyq QHA jastarynyń qanshalyqty belsendi ári qazaq tiline degen qurmetiniń joǵary ekendigin kórsetedi», dep atap ótti Nur-Sultan qalasy Qazaqstan halqy Assambleıasy keńesiniń múshesi Amangeldi Syzdyqov.

Baıqaýǵa bilikti qazylar baǵasyn berdi. Al baıqaýǵa elor­dalyq etnomádenı  birles­tikterdiń jastary qatys­ty. Olardyń qatarynda Nur-Sul­tan qalasy uıǵyr etnomádenı birlestigi, «Jaıhýn» qara­qal­paq etnomádenı birlestigi, «Radıma» belorýs mádenı birlestigi, «Obereg» ýkraın qo­ǵamy, «Polacy» qoǵamdyq bir­lestigi, «Iýnchı» dúngen et­no­mádenı birlestigi jáne Nur-Sultan qalasy ózbek etno­mádenı birlestigi boldy.

Barlyq qatysýshy 3 ke­zeń boıynsha baqtaryn sy­na­dy. Birinshi kezeńde etno­má­denı birlestikterdiń ókil­deri «Meniń Otanym – Qa­zaqstan» taqyrybynda aýyzsha tanystyrylym jasady. Birinen biri asqan beıne-kórinister, bezendirýler qa­zylar alqasynyń kóńilinen shyqty. Talanttyń naǵyz shyń­­dalatyn ýaqyty ekinshi ke­­zeńde baıqaldy. Baı­qaý­ǵa qatysýshylar toptyq ju­mys­taryn, «Til – dostyq­tyń altyn kópiri» atty teatrlandyrylǵan qoıylymdy kórermender nazaryna usyndy. Sheshendik qabiletterin tanytýdan, son­daı-aq sahnada ózin-ózi ustaý sheberlikteri boıynsha synǵa tústi.

Nur-Sultan qalasy uıǵyr etnomádenı birlestiginen Arýjan Arzıdýn, «Jaıhýn» qaraqalpaq etnomádenı bir­les­tiginen Aısanem Aım­be­tova, «Radıma» belorýs má­denı birlestiginen Svet­lana Tarasova, «Obereg» ýkraın qoǵamynan Iýlııa Lagýt­kına, «Polacy» qoǵamdyq birles­tiginen Marııa Jýlıkova, «Iýnchı» dúngen etnomádenı bir­lestiginen Zalına Ibra­gımova jáne Nur-Sultan qa­lasy ózbek etnomádenı birles­tiginen Dıldora Ab­dýl­­hae­va sheshýshi kezeńde qa­zaq áde­bıeti klassıkteriniń jáne qazirgi zaman ádebıeti aqyn­dary men jazýshylarynyń shy­ǵarmalaryn mánerlep oqydy.

Tartysty báıgede qazylar alqasynyń sheshimen 1-oryndy Nur-Sultan qalasy uıǵyr etnomádenı birlestigi, 2-oryndy «Polacy» qoǵamdyq bir­lestigi, 3-oryndy «Iýnchı» dún­gen etnomádenı birlestigi ıe­lendi. Baıqaý jeńimpazdary men barlyq qatysýshylarǵa uıym­dastyrýshylar atynan baǵaly syılyqtar men alǵys hattar tabys etildi.