Qaraǵandy oblysy ákiminiń birinshi orynbasary Asylbek Dúısebaev «Ashyq dıalog» portalynda 11 qarasha kúni saǵat 15.00-den 18.00-ge deıin «Qaraǵandy oblysyndaǵy jol qurylysynyń qorytyndysy men keleshegi» atty ınternet-konferensııa ótkizedi.
Dialog.egov.kz portalynda ótetin konferensııada suraq qoıý úshin mindetti túrde tirkelý kerek.
Eske salsaq, «Ashyq dıalog» portaly – Qazaqstan Respýblıkasy «Ashyq úkimetiniń» quramdas bir bóligi jáne ol memlekettik organdar men qoǵam arasynda tıimdi keri baılanys ornatýǵa arnalǵan alań.
Aıta ketken jón, kelesi jyly Qaraǵandy oblysynda jol ınfraqurylymyn jaqsartý maqsatyna 19 mlrd teńge qarajat bólinbekshi. Bul týraly oblystyq máslıhattyń depýtattarymen kezdesý barysynda óńir basshysy Jeńis Qasymbek málimdedi.
Respýblıkalyq bıýdjetten bólingen qarjyǵa Novodolınka-Shahan-Molodeskaıa, Osakarovka-Molodejnoe jáne Qarajal-Atasý baǵytyndaǵy úsh avtojoldy qaıta jańǵyrtý josparlanǵan. Sonymen qatar, Soqyr jáne Nura ózenderine eki kópir salynady.
Qaraǵandy oblysy