Qyzylorda oblysy Tasbóget polısııa bólimi qyzmetkerleri jedel izdestirý sharalary nátıjesinde mal urlyqtaryna qatysty kúdik keltirgen Qyzylorda qalasynyń úsh turǵynyn quryqtady.
Kúdiktiler Qyzylorda qalasynyń tóńireginde mal urlyǵyn kásipke aınaldyrǵan. О́zderiniń zańsyz áreketteri arqyly olar 6 azamatqa jalpy somasy 3 560 000 teńgeniń zalalyn keltirgen.
Barlyq derekter boıynsha Qyzylorda qalalyq Polısııa basqarmasy tarapynan Qylmystyq kodekstiń 188-baby 3-bóliginiń 1-tarmaǵymen sotqa deıingi tergep-tekserý áreketteri júrgizilýde. Ustalǵan kúdiktiler ýaqytsha ustaý ızolıatoryna oqshaýlandyrylyp, olarǵa qatysty sottyń sanksııasymen «qamaýǵa alý» túrindegi bultartpaý sharasy qoldanyldy.