Aqparat jáne qoǵamdyq damý vıse-mınıstri Marat Ázilhanov oblys ortalyǵyndaǵy Máshhúr Júsip atyndaǵy ortalyq meshitinde qalalyq meshitter ımamdarymen kezdesti.
Ortalyq meshit qyzmetiniń habarlaýynsha, Vıse-mınıstr ımamdardyń qazirgi ýaqytta júrgizip otyrǵan jumystaryn joǵary baǵalap, nazar aýdarýǵa tıis basym baǵyttardy túsindirip ótti.
Sonymen qatar jýyrda ǵana ótken III respýblıkalyq ımamdar forýmynda qabyldanǵan qujattardyń mańyzdylyǵyna toqtaldy.
Marat Ázilhanov jat aǵymdarmen kúres baǵytynda júrgizilip jatqan jumystar týraly aıtyp, ımamdar basymdyq berýge tıis baǵyttar jaıynda áńgime qozǵady.
Sondaı-aq vıse-mınıstr ımamdar tarapynan qoıylǵan suraqtarǵa jaýap berdi.