Bul týraly Prezıdenttiń baspasóz hatshysy Berik Ýálı óziniń Facebook paraqshasynda habarlady.
«Qazaqstan men Reseı óńiraralyq yntymaqtastyq Forýmy iskerlik baǵytta ótkenimen, kezdesýlerde dostyq nıet aıqyn kórinip turdy. Qasym-Jomart Kemeluly Toqaev pen Vladımır Vladımırovıch Pýtınniń kelissózderi, Forýmnyń jalpy otyrysy syndarly ári salıqaly sıpatta ótti. Eki eldiń kóshbasshylary talqylanǵan barlyq máseleler boıynsha bir pikirde boldy, ortaq sheshimge keldi. Reseı Prezıdenti Vladımır Pýtınniń Qazaqstan Prezıdenti Qasym-Jomart Toqaevqa erekshe qurmeti men iltıpaty onyń Omby áýejaıyna deıin kelip, áriptesin ózi arnaıy shyǵaryp salǵanynan anyq baıqaldy» delingen habarlamada.