Aqtaýda Yessenov University-de belgili qazaqstandyq jáne sheteldik spıkerlerdiń qatysýymen «Ýnıversıtet — oı-pikirler aımaǵy» atty halyqaralyq forým ótti. Bul týraly oqý ornynyń baspasóz qyzmeti habarlady.
«Ýnıversıtet – oı-pikirler aımaǵy» sandyq bolashaq mamandaryn daıarlaý salasynda tájirıbe jáne ınnovasııalyq sheshimdermen almasý úshin dıalog alańyn uıymdastyrý maqsatyndaǵy forým aıasynda «Yessenov University úzdik startap jobasy» baıqaýy, paneldi jáne saraptamalyq sessııalar, master-klasstar jáne keıster ótti.
Jastar jyly aıasynda Qazaqstan munaıynyń 120 jyldyǵyna arnalǵan forým pedagogtardy, kásipkerlerdi, joǵary jáne qosymsha bilim berý uıymdarynyń basshylaryn, sarapshylardy, jergilikti memlekettik qurylymdardyń ókilderin biriktirdi.
Forýmǵa Álıhan Baımenov, Kúlásh Shamshıdınova, Saıasat Nurbek, Nurlan Qııasov, Aryn Orsarıev, Gúlmıra Kýrganbaeva, Iýrıı Pımenov, Almagúl Qanaǵatova, Aıda Saǵyntaeva, Paul Jr Joseph Chester sııaqty tanymal qazaqstandyq jáne halyqaralyq spıkerler qatysty.
Qazaq, orys jáne aǵylshyn tilderinde ótken halyqaralyq forým bolashaq mamandardy daıarlaý salasynda tájirıbe jáne ınnovasııalyq sheshimderimen almasý úshin dıalog alańy boldy.
Mańǵystaý oblysy