Qazaqstandyq boksshy Jánibek Álimhanuly men Nıgerııadan shyqqan kanadalyq Albert Onolýnose WBC Continental Americas jáne WBO Global tıtýldary úshin jekpe-jek aldynda resmı salmaq ólsheý rásiminen ótti. Bul týraly Vesti.kz habarlady.
Qazaqstandyq sportshy qarsylasynan aýyr bolyp shyqty. Osylaısha, Álimhanuly tarazyda 72,1 kelini, Onolýnose 71,6 kelini kórsetti.
On raýndtyq jekpe-jek Kalıfornııa shtatyndaǵy Fresno qalasyndaǵy Chukchansi Park arenasynda ótedi. 10 qarashada "Habar" arnasynda saǵat 08:00-de tikeleı efır bastalady.
Jánibek Álimhanuly 17 tamyzda Los-Andjeleste ótken sońǵy jekpe-jeginde kanadalyq Stıýart MakLellandy besinshi raýndta nokaýtqa túsirip, óziniń eki tıtýlyn da qorǵap qalǵan bolatyn.