Iýnýs Emre atyndaǵy túrik mádenıet ortalyǵy Túrkııa Respýblıkasy Mádenıet jáne týrızm mınıstrligi Kınematografııa basqarmasynyń qoldaýymen 18-25 qarasha aralyǵynda elordada túrik fılmderiniń aptalyǵyn ótkizedi. Bul týraly ortalyqtyń baspasóz qyzmeti habarlady.
Baspasóz qyzmetiniń málimetinshe, bul is-sharanyń maqsaty - túrik eliniń úzdik kıno týyndylaryn baýyrlas eldiń kórermenine usyna otyryp, eki el arasyndaǵy mádenı baılanystyń damýyna úles qosý. Eki baýyrlas eldi bir-birine jalǵap otyrǵan kópir ispettes túrik kıno ónimderi qazirgi kúni álemde óte tanymal. Qazaq kórermenderi túrik serıaldary men kınofılmderine zor yqylas tanytyp júr.
Túrik fılmderi aptasy aıasynda elordalyqtardyń nazaryna segiz túrik kınotýyndysy tegin kórsetiledi. Olardyń arasynda «Uzyn hıkaıa», «Kóbelektiń túsi», «Umytsam, sybyrla», «Ertuǵyryl 1890», «Bastyq istiń sátti aıaqtalǵanyn qalaıdy», «Sıqyrshy», «Qyzyl oramaldy shynarym» sııaqty fılmder bar.