Shırek ǵasyrdan beri ónersúıer qaýymnyń ystyq yqylasyna bólenip kele jatqan “Kúder” dombyrashylar ansambli talaı ret respýblıkalyq, aımaqtyq jarystarda top jaryp júr.
Al bul jolǵy marapattyń orny bólek. Jýyrda Dýbaıda ótken Jumeirah sounds atty III halyqaralyq jastar baıqaýyna qatysyp, eki júldege ıe boldy.
Qara dombyranyń qulaǵynda oınaǵan óner kolledjiniń stýdentteri «Saltanat», «Talas», «Ireń» kúılerin tamyljyta oryndap berip, sheteldikterdiń úlken qoshemetine bólendi. Sóıtip, kórermenderdi kúı qudiretine eriksiz bas ıdirdi.
Qazaqstannan bólek, Fransııa, Ontústik Koreıa, Germanııa sekildi irgeli elder qatysqan básekede Rasýl О́mirzaq sýyrylyp shyǵyp, Gran prıdi qanjyǵaǵa baılady. Al Kamıla Maqpoz qos kezeńde de qazylar alqasynyń joǵary baǵasyna ıe bolyp, birinshi oryndy ıelendi.
«Alda taǵy bir halyqaralyq baıqaý kútip tur. Ol Fransııada ótedi» deıdi “Kúder” ansambliniń jetekshisi, QR mádenıet qaıratkeri Toıken Kúderova.
Soltústik Qazaqstan oblysy