Nur Otan partııasynyń Respýblıkalyq qoǵamdyq qabyldaý bólmesindegi kezekti qabyldaýdy Aqparat jáne qoǵamdyq damý mınıstri Dáýren Abaev ótkizdi. Qoǵamdyq qabyldaýǵa kelgen turǵyndar men onlaın rejimde baılanysqa shyqqan azamattar mınıstrge óz usynystaryn, talap-tilekterin aıtty.
Ulttyq mádenıetti nasıhattaıtyn Dombyra telearnasynyń ókili Qanat Erjigitov mınıstrge telearnany «Otaý TV» spýtnık jelisine qosý týraly ótinishin bildirdi. Onyń aıtýynsha, táýligine 24 saǵat boıy ulttyq mádenıetti nasıhattaıtyn telearna osy jyldyń basynda ashylǵan. Al Janna Esenǵarına esimdi ótinish bildirýshi Qazaqstan ulttyq telearnasyn damytý týraly birneshe usynysyn ortaǵa saldy.
Mınıstrdiń qabyldaýynda bolǵan Shara Naqypova «Rýhanı jańǵyrý» baǵdarlamasy aıasynda «Birge» jobasyn damytý máselesin kóterdi.
О́tinish berýshilerdiń tilegin jiti tyńdaǵan mınıstr vedomstvo quzyreti sheńberinde barlyǵyna shama-sharqynsha qoldaý kórsetiletinin aıtty. «Jalpy, memlekettik organdar basshylarynyń qabyldaý ótkizýi óte oryndy. Nur Otan partııasynyń alańyn paıdalanǵan óte durys dep oılaımyn. Keıbir suraqtardyń bizdiń mınıstrlikke qatysy joq ekenin kórip otyrmyz. Azamattar bir máseleni túsinýi kerek. Memlekettik júıe jumys isteıdi. Eger hat durys jazylyp, baǵyttalsa, oǵan mindetti túrde jaýap beriledi, dedi Dáýren Abaev qabyldaýdyń sońynda.
Sonymen birge mınıstr qabyldaýda aıtylǵan máseleler boıynsha jaýapty organdarǵa berilgen tapsyrmalardyń oryndalýy jiti qadaǵalanatynyn da jetkizdi.