Májilis Spıkeri Nurlan Nyǵmatýlınniń tóraǵalyǵymen palatanyń bıýro otyrysy ótip, aldaǵy jalpy otyrystyń kún tártibi naqtylandy, dep habarlady Májilistiń baspasóz qyzmeti.
Aldaǵy sársenbide Májilis depýtattary EAEO-ǵa múshe memleketterdiń qarjy naryǵy salasyndaǵy zańnamasyn úılestirý týraly kelisimdi ratıfıkasııalaýǵa qatysty zań jobasyn qaraıdy. Bul kelisim qyzmet kórsetý sektorlarynda baǵaly qaǵazdar naryǵyndaǵy qyzmet túrlerin júzege asyrýǵa arnalǵan lısenzııalardy ózara tanýdy qamtamasyz etý úshin jaǵdaılar jasaıdy.
Sondaı-aq jalpy otyrysta mindetti áleýmettik saqtandyrý týraly jáne oǵan ilespe zań jobalary ekinshi oqylymda qaralady dep kútilýde. Al jumysqa qabyldanatyn zań jobalary qatarynda mamandandyrylǵan mekemelerdiń artyqshylyqtary men ımmýnıtetteri týraly konvensııany, sonymen qatar tunshyqtyratyn, ýly nemese basqa da uqsas gazdar men bakterıologııalyq quraldardy soǵysta qoldanýǵa tyıym salý týraly hattamany, 1992 jylǵy 15 mamyrdaǵy Ujymdyq qaýipsizdik týraly shartqa ózgerister engizý týraly ekinshi hattamany, 2002 jylǵy 7 qazandaǵy Ujymdyq qaýipsizdik týraly shart uıymynyń Jarǵysyna ózgerister engizý týraly ekinshi hattamany, 2002 jylǵy 7 qazandaǵy Ujymdyq qaýipsizdik týraly shart uıymynyń Jarǵysyna ózgerister engizý týraly úshinshi hattamany, 2002 jylǵy 7 qazandaǵy Ujymdyq qaýipsizdik týraly shart uıymynyń quqyqtyq mártebesi týraly kelisimge ózgerister engizý týraly ekinshi hattamany ratıfıkasııalaýǵa qatysty qujattardy aıryqsha atap ótýge bolady.