Orta salmaqtaǵy qazaqstandyq kásipqoı boksshy Jánibek Álimhanuly AQSh-tyń Fresno qalasynda óziniń kezekti jekpe-jegin ótkizip, qarsylasyn altynshy raýndta nokaýtqa jiberdi.
Jergilikti Chukchansi Park sport kesheninde ótken kezdesý 10 raýndqa josparlanǵan bolatyn. Altynshy raýnda otandasymyz kanadalyq Albert Onolýnoseni soqqynyń astyna alyp, nokaýtqa túsirdi. Tóreshi esep ashqanymen, qarsylasy esin jıyp úlgermedi. Osylaısha otandasymyz kásipqoı bokstaǵy segizinshi kezdesýinde jeńiske jetip, tórt kezdesýin merziminen buryn aıaqtady. Sondaı-aq ózine tıesili WBC Continental Americas tıtýlyn sátti qorǵap qaldy.
Sonymen qatar Los-Andjeleste reıtıngtik jekpe-jek ótkizgen qandasymyz Madııar Áshkeev te merziminen buryn jeńiske jetti. Argentınalyq Rodolfo Martınespen judyryqtasqan ol qarsylasyn úsh ret nokdaýnǵa jiberdi. Al altynshy raýndta argentınalyq boksshy jekpe-jekti jalǵastyrýdan bas tartty. Bul – Áshkeevtiń 14-shi jeńisi.