2019 jylǵy 10 qarashada Oral shekara jasaǵynyń «Syrym avtomobıldik» shekaralyq baqylaý pýnktinde Oral-Samara baǵyty boıynsha Qazaqstannan Reseıge «Kraısler» avtomashınasymen ketip bara jatqan qazaqstandyq azamat ustaldy. Bul týraly Shekara qyzmetiniń baspasóz qyzmeti habarlady.
«Shekara narıady avtokóliktiń júk salǵyshyn tekserý barysynda jasyl jáne kók tústi eki jol sómkesine salynǵan jalpy salmaǵy 120 kg jańa kesilgen 348 dana kıiktiń múıizi tabyldy. Aldyn ala boljamdy baǵasy 439 350 000 teńgeni quraıdy. Atalǵan fakti «Joǵalyp ketý qaýpi bar jáne sırek, sondaı-aq qoldanýǵa tyıym salynǵan ósimdikter men janýarlardy zańsyz aýlaý» boıynsha QR QK 339-babymen qarastyrylady», delingen habarlamada.