1. 2020 jyly AQSh-taǵy prezıdenttik saılaýdan keıingi ahýalAQSh-tyń qazirgi prezıdenti Donald Tramp jańa merzimge qaıta saılaný kampanııasyn bastap ketti. Alaıda qarsylastary ony ımpıchmentpen qorqytýda. Álemniń jetekshi derjavasynyń saıası damýyndaǵy belgisizdik búkil Eýrazııa úshin eleýli syn-qaterge ulasýy múmkin.
2. Jahandyq ekonomıkalyq quldyraýDúnıejúzine yqpal etetin kezekti ekonomıkalyq daǵdarys damýshy elderdegi ekonomıkalyq máselelerdiń saldarynan oryn alýy múmkin. Damyp kele jatqan naryqtarda kapıtaldyń ketýi áserinen valıýta baǵamy quldyrap, sonyń kesirinen kompanııalardyń qaryzǵa batý máselesi kúsheıetindikten, jahandyq daǵdarys oryn alýy boljanýda.
3. AQSh pen Qytaı teketiresiniń ýshyǵýyAQSh pen Qytaı arasyndaǵy teketirestiń kúsheıý qaýpi byltyrǵy reıtıngtiń aldyńǵy qatarynan oryn alǵan. Másele 2020 jyly da ózektiligin joıǵan joq. Vashıngton men Beıjiń shıelenisin tolyqqandy strategııalyq qarsylyq dep ataýǵa bolady.
4. Jahandyq qarýlaný jarysynyń jańa kezeńi2019 jyly qyrǵı-qabaqty báseńdetýde bási joǵary bolǵan Jaqyn jáne orta qashyqtyqtaǵy zymyrandardy joıý jónindegi kelisiminiń kúshin joıǵanyna kýá boldyq. 2020 jyly álem strategııalyq qarý salasyndaǵy «oıyn erejeleriniń» jappaı joıylý yqtımaldylyǵyna tap bolady.
5. Tehnologııalyq ústemdik jarysynyń údeýiTehnologııalyq keńistiktiń geosaıası segmentasııasy aıqyn bola túsedi. Qytaılyq Huawei jáne ZTE kompanııalarynyń mysaldary IT-ónimderdi ótkizý naryǵyn aımaqtandyrý tetiginiń úlgisi dep sanaýǵa bolady.
6. Iranǵa qarsy áskerı soǵysIаdrolyq kelisimdi joıý Iran tóńiregindegi qarama-qaıshylyqtardyń odan ári ýshyǵýyna ulasýy múmkin. Irannyń geosaıası qarsylastarymen teketiresi kıberkeńistikke keń taralýy múmkin. Jaǵdaı Taıaý Shyǵystaǵy búkil qaýipsizdik júıesin qysymda ustaıdy.
7. Koreı túbegindegi ıadrolyq daǵdarysSoltústik Koreıanyń beıbit kelisimge kelý jáne AQSh-pen qarym-qatynasyn qalypqa keltirýdegi qadamdary baıaý qarqynmen júrýde. Eki tarap arasyndaǵy kelispeýshilikter arta úsken saıyn kelisimderdiń qurdymǵa ketý qaýpi kúsheıedi. Jaǵdaıdyń ýshyǵýyna 2020 jylǵy AQSh-taǵy prezıdent saılaýynan keıingi ahýal yqpal etýi múmkin. 8. Terrorızmniń jańa tolqynyDAISh-tyń talqandalǵanyna qaramastan, terrorıstik toptar damýdyń jańa satysyna kóterilip, áreket etý aýqymyn keńeıte túsýde. Jalǵyz ózi kúres uıymdastyrǵandardyń qatary kóbeıýde. Budan bólek, álem musylmandar men mıgranttardyń ózge konfessııalar terrorızmi men «aq» terrorızm atalǵan toptardyń qurbany bolǵanyna kýá bolýda.
9. Basqynshy ultshyldyq pen popýlızm tolqynyPopýlızmdi saılaý úderisine tańý jáne saıasatkerlerdiń kúrdeli máselelerdi ońaı sheshýge degen nıeti qıratýshy áleýmettik qaqtyǵystardy kúsheıtedi, sondaı-aq etnıkalyq jáne dinı arazdyq qaýpin týdyrady.
10. Klımattyń ózgerýi týdyratyn aýqymdy máselelerIri derjavalar arasyndaǵy kıkiljińder men kelispeýshilikter 2020 jyly klımattyń ózgerýine qarsy kúresti túbegeıli toqtatý qaýpin týdyrady, bul basqa memleketterdiń ulttyq múddeni jeleý etken ózimshildik saıasatyn júrgizýin jeńildetedi.
Eske salsaq, 11-12 qarasha kúnderi «Nazarbaev Ortalyǵynda» álemniń jetekshi dıplomattary men saıasatkerleriniń jáne sarapshylarynyń basyn biriktirgen saıası forým túrindegi halyqaralyq bedeldi pikirtalas alańy - «Astana Klýbynyń» besinshi otyrysy ótýde.
Klýbty uıymdastyrýshylar - Qazaqstan Respýblıkasy Tuńǵysh Prezıdenti – Elbasynyń Qory jáne Álemdik ekonomıka jáne saıasat ınstıtýty.
Klýbtyń mereıtoılyq otyrysynyń taqyryby: «Úlken Eýrazııa: jahandyq yntymaqtastyqtyń jańa qurylymy jolynda».
Klýb sarapshylary pikirtalasyna AQSh, Qytaı men Reseı úshtigi arasynda ýshyqqan teketirestiń aǵymdaǵy ahýaly, saýda proteksıonızmi men popýlıstik kóńil-kúıdiń artýy, sondaı-aq Iran men Soltústik Koreıa tóńireginde jańa shıelenisterdiń boı kóterýi syndy máseleler arqaý bolmaq.
Sharanyń eń basty oqıǵasy Qazaqstannyń Tuńǵysh Prezıdentiniń tóraǵalyǵymen erteń ótetin Klýbtyń plenarlyq otyrysynda «Úlken Eýrazııany qurý: seriktestiktiń jańa úlgisi» taqyryby talqyǵa túsedi.