Nursultan Nazarbaev Eýropalyq komıssııanyń burynǵy tóraǵasy Joze Manýel Barrozýmen kezdesti, dep habarlady Tuńǵysh Prezıdent – Elbasynyń baspasóz qyzmeti.
Kezdesý barysynda Elbasy Joze Manýel Barrozýǵa «Astana klýbynyń» jumysyna qatysqany úshin alǵysyn bildirdi.
– Bizdiń dostyǵymyz burynnan beri jalǵasýda. Sizdiń Eýropalyq komıssııaǵa tóraǵalyǵyńyz kezinde biz keńeıtilgen seriktestik týraly kelisimge qol qoıdyq. О́zińizge belgili, men Eýrazııalyq ekonomıkalyq odaqtyń qurmetti tóraǵasymyn. Endi bizdiń uıymymyz ben Eýropalyq odaq arasyndaǵy yntymaqtastyqty jolǵa qoıý mańyzdy, – dedi Qazaqstannyń Tuńǵysh Prezıdenti.
О́z kezeginde Joze Manýel Barrozý Qazaqstannyń Eýropa elderimen seriktestigin qol jetkizilgen kelisim aıasynda odan ári keńeıtýdiń mańyzdylyǵyn atap ótti.